Псалманууд 43 - Бурятский Библия. Отдельные книги Ветхого Завета

¹ Бурхан, минии шүүгшэ боложо, зарга хэрэгыем сүүдлыт. Худалша, үнэн шударга бэшэ зонһоо намайе абарыт.

² Та хадаа минии Бурхан, минии хүсэ шадал мүн! Юундэ Та намайе орхёобта? Юундэ би дайсанай доромжололһоо боложо гашуудан голхорон ябанабиб?

³ Гэрэл туяагаа, үнэнөө эльгээгыт! Тэдэ намайе хүтэлжэ, нангин хада руутнай, үргөө руутнай асараг лэ!

⁴ Баяр, хүхюу байдал үршөөдэг Бурханай үргэлэй шэрээдэ дүтэлэн ошохоб. Ятагаар хүгжэмлэн, Танда, Бурхандаа, өөрын Бурхандаа, магтаал үргэхэб.

⁵ Сэдьхэлни, юундэ сүхэрэн байнабши, юундэ уйданабши? Бурханда найдаарай, би Тэрээндэ магтаал үшөө үргэхэб. Тэрэ минии Абарагша, минии Бурхан мүн!