Псалманууд 42 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: Кораахай уг удамай ирагуу үгэнүүд.]

² Ангаһан бугын урасхал уһан руу эрмэлзэдэгтэл минии сэдьхэл Тан руу эрмэлзэнэ, Бурхан!

³ Сэдьхэлни Бурханаар, амиды Бурханаар ангажа байна. Хэзээ ошожо, Бурханиие бараалхахабиб?

⁴ «Бурханшни хаана байнаб?» гэжэ зоной хэлэхэдэ, нулимсам үдэр, һүнигүй минии ундан болоо.

⁵ Урдань би баяр тэмдэглэжэ байгааша зоной дунда ябажа, баяртай, талархал үргэжэ байгааша тэдээнтэй хамта Эзэнэй үргөө руу ошодог бэлэйб. Энээниие һанахадаа, сэдьхэлни уйлажа байна.

⁶ Сэдьхэлни, юундэ сүхэржэ байнаш? Юундэ уйданабши? Бурханда найда! Би Тэрэниие үшөө магтан дуулахаб, Тэрэ бол минии Абарагша, минии Бурхан мүн.

⁷ Сэдьхэл досоомни сүхэрнэ, Тиимэһээ би Таниие Иордан нютаг дээр, Хэрмоон хадаһаа, Мицарһаа дурсанам.

⁸ Хүрхэрээнүүдэйтнай дуугаар гүн далайнууд бэе бэеэ дуудадаг. Танай долгид, бүхы дабалгаанууд дээгүүрни гараал.

⁹ Эзэн үдэртөө Өөрын энэрэл хайрые харуулна, Тэрээндэ зорюулһан дуун, амидаралайм Бурханда маани, һүниндөө амандам байна.

¹⁰ Би Бурханда, өөрын Хамгаалагшада, иигэжэ хэлэхэб: «Юундэ намайе мартаабта? Юундэ би дайсанай доромжололһоо боложо гашуудан байнабиб?

¹¹ Яһыем хухалһан мэтэ, дайсадни намайе үдэр бүри «Бурханшни хаана гээшэб?» гэжэ наадална».

¹² Сэдьхэлни, юундэ сүхэржэ байнаш? Юундэ уйданабши? Бурханда найда! Би Тэрэниие үшөө магтан дуулахаб, Тэрэ бол минии Абарагша, минии Бурхан мүн.