Псалманууд 24 - Бурятский Библия. Отдельные книги Ветхого Завета

1 [Давидай псалма.]

¹ [Давидай псалма.] Дэлхэй болон тэрээн дээрэ байгааша хамаг зүйл, юртэмсэ ба тэрээн соо амидарагша бүхы хүн, амитад — Эзэнэй юм.

² Далайнууд дээгүүр һууриинь Тэрэ табяа, гүнзэгы уһан дээгүүр байгуулаа.

³ Эзэнэй хада өөдэ хэн гаража болохоб? Нангин үргөө соонь хэн зогсохоб?

⁴ Гэм зэмэ хээгүй, муу юумэ бодоогүй, бурханай дүрсэнүүдтэ мүргөөгүй, худал тангариг үргөөгүйл хүн!

⁵ Иимэ хүниие Эзэн үреэхэ, Абарагша Бурханиинь үршөөхэ.

⁶ Иимэл зон Бурханай урда ерэдэг, Яковой Бурханай хажууда оршодог. [Хүгжэм]

⁷ Бартаанууд, хүхин баясыта! Урданай үүдэнүүд, нээгдыта! Һүр жабахаланта Хаан орожо ерэхэ!

⁸ Һүр жабхаланта Хаан гээшэ хэн бэлэй? Хүсэтэй, шадалтай Эзэн, дайнай баатар Эзэн мүн!

⁹ Бартаанууд, хүхин баясыта! Урданай үүдэнүүд, нээгдыта! Һүр жабахаланта Хаан орожо ерэхэ!

¹⁰ Һүр жабхаланта Хаан гээшэ хэн бэлэй? Түмэн Сэрэгтэ Эзэн гээшэ Һүр жабахаланта Хаан мүн!