Псалманууд 20 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: Давидай псалма.]

² Гай тодхорто үдэр Эзэн шамайе дуулахань болтогой! Яковой Бурханай нэрэ шамайе аршалаг лэ!

³ Тэрэ шамда нангин газарһаа туһа эльгээхэнь болтогой! Сионһоо шамда түшэг тулгуубари болог лэ!

⁴ Тэрэ шинии бүхы тахилнуудые һанахань болтогой! Түгэс шатаалта үргэлыеш тогтоон абаг лэ! [Хүгжэм]

⁵ Зүрхэнэйшни бүхы хүсэлнүүдые хүртээхэнь болтогой! Бүхы түсэбүүдыеш бэелүүлэг лэ!

⁶ Бидэ шинии илалтада баясан дуулахабди, Бурханайнгаа нэрээр тугаа мандуулахабди! Эзэн шинии бүхы гуйлтые бэелүүлхэнь болтогой!

⁷ Эзэн Өөрын ёһолон шэлэһэн хаанаа абардаг гэгшые мүнөө мэдэбэб. Өөрын арюун тэнгэриһээ тэрээндэ харюу үгэжэ, хүсэ шадалта гараараа тэрээндэ илалта туйлуулаа.

⁸ Зарим зон морин тэргэдэ, заримашуул моридтоо найдадаг, харин бидэ Эзэн Бурхандаал найдадагбди.

⁹ Тэдэ ганхажа унаба, харин бидэ бата зогсонобди!

¹⁰ Эзэн, абарыт! Хаанда илалта үршөөгыт! Дуудахадамнай, бидэндэ харюу үгыт!