Псалманууд 15 - Бурятский Библия. Отдельные книги Ветхого Завета

1 [Давидай псалма.]

¹ [Давидай псалма.] — Эзэн! Хэн Танай майхан соо ажаһуужа, Нангин хада дээрэтнай хэн амидаржа шадахаб?

² — Үнэн зүбөөр ябажа, зүб шударгые хэжэ, зүрхэндөө үнэн зүбые үгүүлдэг хүн.

³ Гүжэр үгэ хэлэдэггүй, нүхэртөө муу юумэ хэдэггүй, дүтэ зондоошье эсэргүүсэн буруу болгожо байдаггүй хүн.

⁴ Шоодбори хүн тэрэнэй нюдэндэ жэгшүүритэй, гэбэшье Эзэнһээ айдаг зониие тэрэ хүндэлдэг. Хэн нэгэндэ тангариг үргэбэл, тэрэнээ заабол бэелүүлдэг.

⁵ Мүнгэнэй түрэсын түлөө зээлеэр үгэжэ байдаггүй, эдилгэ абажа, гэмгүй хүниие хардажа байдаггүй — хэн иимээр хэрэг ябуулнаб, тэрэ хэтэ мүнхэдөө ганхахагүй!