Псалманууд 148 - Бурятский Библия. Отдельные книги Ветхого Завета

¹ Эзэниие магтагты! Эзэниие тэнгэриһээ магтагты, Тэрэниие үндэртэ магтагты!

² Бүхы элшэнэрынь, Тэрэниие магтагты, бүхы сэрэгынь, Тэрэниие магтагты!

³ Наран ба һара, Тэрэниие магтагты! гэрэлтэй бүхы одо мүшэд, Тэрэниие магтагты!

⁴ Эгээл дээдэ тэнгэринүүд ба тэнгэриин дээрэ уһаншье Тэрэниие магтагты!

⁵ Тэдэ Эзэнэй нэрэ магтан байг лэ, юуб гэбэл, Тэрэнэй захиралтаар тэдэ бүтээгдэнхэй.

⁶ Тэрэ тэдэниие хэтэ мүнхэдэнь табиһан юм. Тэрэ хэзээдэшье зүршэгдэхэгүй хуули үгөө.

⁷ Газар дээрэһээ Эзэниие магтагты, далайн амитад ба далай гүн уһан,

⁸ гал ба мүндэр, саһан ба манан, үгыень дүүргэдэг шуурга һалхин,

⁹ бүхы хада ууланууд, толгойнууд, алим жэмэстэ модод ба хушанууд,

¹⁰ зэрлиг ба гэрэй амитад, мүлхидэг амитад ба жэгүүртэн.

¹¹ Дэлхэйн хаашуул, бүхы арадууд, түшэмэл ноёд, дэлхэйн бүхы судьянар,

¹² хүбүүд, басагад, бага, хүгшэн, залуугүй,

¹³ тэдэ бултадаа Эзэнэй нэрэ магтан дуулаг. Юуб гэбэл, Тэрэнэй нэрэ юунһээшье дээгүүр үргэмжэлэгдэнхэй, һүр жабхалангынь дэлхэй дээрэ, тэнгэридэшье мүн.

¹⁴ Тэрэ Өөрын арадай эбэрые дээгүүр үргөө. Энэнь Тэрэнэй бүхы үнэн сэхэ зоной, Тэрээндэ ойро болохо Израилиин арад түмэнэй түлөө магтаал бэлэй. Эзэниие магтагты!