Псалманууд 146 - Бурятский Библия. Отдельные книги Ветхого Завета

¹ Эзэниие магтагты! Сэдьхэлни, Эзэниие магта.

² Амиды байхадаа Эзэниие магтан байхаб, байгаа сагтаа Бурханаа магтан дуулахаб.

³ Ноёд һайдта бү этигэгты, хүндэ бү этигэгты, тэрэ абаржа шадахагүй.

⁴ Һүнэһэнэйнгээ зайлахадань тэрэ газартаа бусаха, тэрэл үдэртөө бодолынь үгы болодог.

⁵ Яковой Бурханиие өөрын туһалагша болгон, өөрын Эзэн Бурханда найдагшад угаа юрөөлтэй.

⁶ Тэрэ огторгой, газар, далай бүтээгээд, досоонь байгааша бүхы юумэ байгуулаа. Тэрэ үнэн сэхэеэ хэтэ мүнхэдөө сахин,

⁷ дарлагдагшадта шударга ёһо ябуулжа, үлэсхэлэн зондо эдеэ хоол үгэдэг. Эзэн баряанда байгаашадые сүлөөдэ табидаг.

⁸ Эзэн һохор зондо хараа үршөөдэг, Эзэн һэхэрэн бүхыгшэдые бодхоодог, Эзэн зүб шударга зондо дурладаг.

⁹ Эзэн хариин зониие аршалдаг, үншэн хэнзэдэ, бэлбэһэн эхэнэртэ туһалдаг, харин хорото муу зониие төөрюулдэг.

¹⁰ Сион, шинии Бурхан болохо Эзэн хэтэ мүнхэдөө, үеһөө үедэ хааншалан байха. Эзэниие магтагты!