Псалманууд 143 - Бурятский Библия. Отдельные книги Ветхого Завета

1 [Давидай псалма.]

¹ [Давидай псалма.] Эзэн, зальбаралым шагныт! Та найдамтайт — гуйлтымни соносыт! Та зүб шударгат — намда харюусыт!

² Өөрын зарасые бү сүүдлыт. Юуб гэбэл, Танай урда хэншье зүб байхагүй.

³ Юуб гэбэл, дайсан хойноһоом намнажа, газар руу намайе дэбһээ, үнинэй үхэһэн мэтээр намайе харанхыда байлгуулаа.

⁴ Һүлдэмни досоомни һулараа, зүрхэмни досоомни тогтоо.

⁵ Урданай үе саг һананам, Танай хэһэн хэрэгүүд тушаа бодомжолном, Танай бүтээһэн зүйл тушаа бодоном.

⁶ Тан руу гараа һунганаб. Сэдьхэлни ангаһан газар мэтэ Тан руу тэгүүлнэ.

⁷ Эзэн, намда түргөөр харюу үгыт! Һүлдэмни һулараад байна. Намһаа нюураа бү нюугыт! Үгы һаатнай, би нүхэн руу буугшадтал адли болонолби.

⁸ Энэрэл хайра тухайгаа үглөөгүүр намда дуулгыт! Ушарынь би Танда найданаб. Ямар харгы замаар ябахым заагыт, ушарынь сэдьхэлээ Тан руу шэглүүлнэб.

⁹ Эзэн, дайсадһаамни намайе абарыт! Хорохо газараа Танда бэдэрнэб.

¹⁰ Хүсэлыетнай яажа бэелүүлхые намда заажа үгыт, юуб гэбэл, Та хадаа минии Бурхан мүн. Танай һайн һүлдэ намайе аюулгүй газар руу хүтэлэн гаргаха!

¹¹ Эзэн, Өөрын нэрын түлөө намайе һэргээн амидыруулыт! Өөрын зүб шударгаар сэдьхэлымни зоболонһоо гаргыт!

¹² Энэрэл хайраараа дайсадымни усадхыт! Амидаралдамни харша бүхы зониие һалгаагыт! Юуб гэбэл, би Танай зараса мүн.