Псалманууд 142 - Бурятский Библия. Отдельные книги Ветхого Завета

¹ [Ирагуу үгэнүүд. Агы нүхэндэ байхадаа Давидай зальбарһань.]

² Эзэниие шангаар дууданам, Эзэндэ шангаар зальбарнам.

³ Урдань гомдолоо урасхуулнам, зоболонгоо Тэрээндэ хөөрэнэм.

⁴ Һүлдымни һуларха үедэ Эзэн замым мэдэжэ байгаа. Ябаха харгыдам намайе торгохоор урьха нюусаар намда табигдаһан байгаа.

⁵ Баруун тээшээ эрьежэ харанам — хэншье намайе танинагүй, хорохо газар намда үгы, ами наһамниш хэндэшье хэрэггүй.

⁶ Эзэн, би Таниие дуудан иигэжэ хэлээб: «Та хадаа минии хорохо газар, амидын газарта минии хуби мүн!».

⁷ Хашхаран байгааша хоолойем соносыт! Юуб гэбэл, би ехэ туляаб. Харшалагшадһаамни намайе абарыт, юуб гэбэл, тэдэ намһаа хүсэтэй.

⁸ Шоронһоо намайе хүтэлэн гаргыт, нэрыетнай магтан дуулахалби. Намда эелдэрээр хандадахатнай зүб шударга зон хажуугаарни сугларха.