Псалманууд 14 - Бурятский Библия. Отдельные книги Ветхого Завета

1 [Дуунай бүлэгэй хүтэлбэрилэгшэдэ: Давидай зохёоһон.]

¹ [Дуунай бүлэгэй хүтэлбэрилэгшэдэ: Давидай зохёоһон.] Мунхаг хүн сэдьхэлдээ «Бурхан үгы» гэжэ һанана. Зоной һальхай һамуун хэрэгүүдые хэнэ, муу муухай, жэгшүүритэй юумэ үйлэдэнэ. Һайн хэрэг хэдэг хүн байхагүй.

² Юумэ ойлгодог, Бурханиие бэдэрдэг хүн бии гү гэжэ мэдэхэеэ Эзэн тэнгэриһээ зон руу харана.

³ Бүхы зон хамта замһаа хадуураа, бүгэдөөрөө забхайралдаа. Һайн хэрэг хэдэг хүн байхагүй, нэгэшье үгы.

⁴ Муу юумэ хэдэг тэдэ юушье ойлгодоггүй юм гү? Хилээмэ эдиһэндэл адляар минии арад түмэниие зооглонол, Эзэниие дууданагүй.

⁵ Тэндэ тэдэ угаа ехээр айха. Юуб гэбэл, Бурхан зүб шударга зоной тала баримтална.

⁶ Таанар үгытэй ядуу зоной найдалые наада баринат, харин тэдэнэй тулгуубари — Эзэн!

⁷ Израилиин абарал Сионһоо ерэхэнь болтогой! Арад зоноо баряанһаа Эзэнэй бусаахада, Яков баярлаха, Израиль баясаха!