Псалманууд 138 - Бурятский Библия. Отдельные книги Ветхого Завета

1 [Давидай.]

¹ [Давидай.] Бүхы сэдьхэл зүрхөөрөө танда магтаал үргэнэм, «бурхадай» урда танда магтаал дууланам.

² Танай нангин үргөө руу харан һүгэдэнэм, энэрэл хайрынтнай, үнэн сэхынтнай түлөө нэрэдэтнай магтаал үргэнэм. Юуб гэбэл, бүхы дээгүүр Өөрын нэрэ, Өөрын үгые та үргэмжэлөө бэлэйт.

³ Минии дуудаха үдэр Та намда харюусаат, һүр һүлдыем шанга болгонот.

⁴ Эзэн, айладхалыетнай дуулагша дэлхэйн бүхы хаашуул Танда магтаал үргэхэ.

⁵ Эзэнэй харгы зам тухай тэдэ дуулаха, юуб гэбэл, Эзэнэй алдар соло агууехэ.

⁶ Эзэн хэды дээгүүр үндэршье һаа, дорой байдалтай хүниие анхардаг, бардам хүниие холоһоошье мэдэдэг.

⁷ Зоболонгой дунда минии ябаашье һаа, Та намайе амидыруулхат, дайсадайм уур хилэнгэй урдаһаа гараа һунган һарбайхат, баруун гартнай намда абарал асарха.

⁸ Эзэн минии түлөө үһөөгөө абаха! Эзэн, энэрэл хайратнай хэтэ мүнхын, Өөрын гараар бүтээгшэ бүтээлнүүдээ бү орхиит.