Псалманууд 137 - Бурятский Библия. Отдельные книги Ветхого Завета

¹ Вавилооной гол мүрэнүүдэй дэргэдэ һуужа, Сион тухай һанан уйлалдажа байгаабди.

² Бургааһадай дунда ятагаа үлгөө бэлэйлди.

³ Маанадые баряанда абагшад дуу дуулахыемнай захираа. «Сионой дуу дуулагты!» гэжэ тэдэ захиржа, хүхюу байхымнай бидэндэ эрилтэ табяа.

⁴ Хариин газарта Эзэндэ дуу яажа бидэ дуулахабибди?!

⁵ Иерусалим, хэрбээ шамайе мартаа һаам, баруун гарни намайе мүн лэ мартуужан.

⁶ Хэрбээ шамайе һанаагүй һаам, хэрбээ Иерусалимые эгээл ехэ баярни гэжэ сэгнэн байгаагүй һаам, хэлэмни тангалайдаа няалдуужан.

⁷ Эзэн, «Һандаргагты, үндэһэн һуури хүрэтэрынь һандаргагты!» гэжэ Иерусалимай тодхорто үдэр Эдоомой зоной хэлэжэ байгаашые тэдээндэ һануулыт.

⁸ Вавилоон, һүйдхэлтэ орон! Шинии бидэндэ хэһэнэй хэмээр шамда харюу амасуулагша хэн нэгэн юрөөлтэй байха!

⁹ Нялха нарай хүүгэдыеш абаад, хабсагай шулуун руу шэдэгшэ хэн нэгэн юрөөлтэй байхал!