Псалманууд 13 - Бурятский Библия. Отдельные книги Ветхого Завета

¹ [Дуунай бүлэгэй хүтэлбэрилэгшэдэ: Давидай псалма.]

² Эзэн, хэды болотор юм бэ? Та намайе хэтэдээ мартаа юм гүт? Хэды болотор намһаа хорон байхабта?

³ Би хэды болотор һанаагаа зобон байхабиб? Бүхэли үдэртөө зүрхэм үбдэнэ. Хэды болотор дайсадни дээгүүрни гараад байхаб?

⁴ Эзэн Бурхамни! Нам руу харыт, харюу үгыт, нюдэндэм гэрэл үршөөгыт. Үгы һаа, би мүнхэ нойроор нойрсохомнил.

⁵ Намайе диилээб гэжэ дайсамни бү һанаг, унаа гэжэ намда дурагүйшүүл бү баярлаг!

⁶ Би Танай хайра энэрэлдэ этигэнэб! Зүрхэмни Танай абаралда баярлаха. Намайе Эзэнэй үршөөһэн тухай би дуулахаб!