Псалманууд 122 - Бурятский Библия. Отдельные книги Ветхого Завета

1 [Давидай зохёоһон үгсэлгын дуун.]

¹ [Давидай зохёоһон үгсэлгын дуун.] «Эзэнэй нангин үргөө руу ябая» гэхэдэ, би баярлааб.

² Иерусалим, хүлнүүднай шинии бартаанууд руу орожо байна.

³ Дахяад байгуулагдаһан хото Иерусалим! Зон хамта эндэ суглардаг,

⁴ тиишээ обогууд, Эзэнэй обогууд, Израилиин тогтоолой ёһоор үгсэн гарадаг, Эзэнэй нэрые магтан, талархал үргэдэг.

⁵ Эндэ сүүдэй сэнтиинүүд, Давидай хан түрын сэнтиинүүд табяатай.

⁶ Иерусалимай амар амгалан амидархын түлөө зальбарагты: «Шамда дуратайшуулда үлзы хутаг оршохонь болтогой!

⁷ Амар амгалан шинии хана хэрэм дотор, үлзы хутаг ордонгууд соошни байхань болтогой!

⁸ Аха дүүнэрэйнгээ болон анда нүхэдэйнгээ түлөө «Амар амгалан байхашни болтогой!» гэжэ хэлэнэб.

⁹ Эзэн Бурханаймнай нангин үргөөгэй түлөө «һайн байгаарай!» гэжэ би зальбарнаб.