Псалманууд 114 - Бурятский Библия. Отдельные книги Ветхого Завета

¹ Израилиин Египедһээ, Яковой бүлын хариин зонһоо гаран ошоходо,

² Иуда Тэрэнэй нангин зүйл, Израиль Тэрэнэй эзэмшэл болоо бэлэй.

³ Далай тэдэниие хараад тэрьелбэ, Иордан һөөргөө урдаба.

⁴ Хаданууд хуса мэтэ һүрэлдэн, толгойнууд хурьгад мэтэ собхоролдоо.

⁵ Далай, юундэ тэрьедэбэш? Иордан, юундэ һөөргөө урдабаш?

⁶ Хаданууд, таанар хуса мэтэ юундэ харайгаабта? Толгойнууд, таанар хурьгад мэтэ юундэ собхоролдообта?

⁷ Газар дэлхэй, Эзэнэй урда, Яковой Бурханай урда шэшэрээрэй!

⁸ Тэрэ хабсагайе уһата нуур, хатуу шулууешье уһата булаг болгонол.