Псалманууд 113 - Бурятский Библия. Отдельные книги Ветхого Завета

¹ Эзэндэ магтаал үргэгты! Эзэнэй зарасанар, магтагты, Эзэнэй нэрэ магтагты.

² Энэ сагһаа эхилээд хэтэ мүнхэдөө Эзэнэй нэрэ үреэгдэхэ болтогой!

³ Наранай мандахаһаа эхилээд жаргаха хүрэтэрынь Эзэнэй нэрэ магтагдана.

⁴ Эзэн бүхы үндэһэтэд дээгүүр, алдар солонь тэнгэри дээгүүр.

⁵ Эзэн Бурхантаймнай хэниие сасуулмаар бэ? Үндэртэ заларжа,

⁶ тэнгэри болон газарые харахаяа Тэрэ тонгойно.

⁷ Тэрэ үгытэй хүниие шорой тооһонһоо үргэнэ, ядуу хүниие үнэһэнһөө үндылгэнэ.

⁸ Энэ хадаа түшэмэлнүүдтэй хамта, арад түмэнэйнгээ түшэмэлнүүдтэй тэрэниие һуулгахын тула юм.

⁹ Тэрэ хүүгэдгүй эхэнэрые хүүгэдтэй жаргалтай эхэ болгон гэртэнь ажаһуулгана. Эзэндэ магтаал үргэгты!