Псалманууд 112 - Бурятский Библия. Отдельные книги Ветхого Завета

¹ Эзэниие магтагты! א Эзэнһээ түбэгшөөдэг, ב һургаал заабаринуудтань угаа ехэ дуратай хүн юрөөлтэйл! ג

² Тэрэнэй үри һадаһад дэлхэй дээрэ хүсэ шадалтай байха, ד сэхэ шударга зоной уг удам юрөөгдэхэ. ה

³ Эд зөөри ба баялиг гэртэнь байха, ו зүб шударгань хэтэ мүнхэдөө оршохо. ז

⁴ Сэхэ сэбэр зондо харанхыда гэрэл сасардаг. ח Эзэн хадаа нигүүлэсхы, үреэлтэй, зүб шударга. ט

⁵ Һайн хүн нигүүлэсхы сэдьхэлтэй, зээлеэр үгэдэг, י сүүдтэ зүб шударгаар хэрэгээ баталдаг. כ

⁶ Тэрэ хэтэ мүнхэдөө ганхахагүй, ל зүб шударга хүн хэтэ мүнхын алдар солотой. מ

⁷ Тэрэ муу мэдээнһээ айхагүй, נ зүрхэ сэдьхэлынь Эзэндэ бата этигэнэ. ס

⁸ Зүрхэниинь амгалан, ע айнгүй тэрэ дайсадайнгаа урдаһаа харана. פ

⁹ Тэрэ ядуу зондо үнэгүйгээр тараан үгөө. צ Зүб шударгань хэтэ мүнхэдөө оршохо, ק толгойгоо омогоор өөдэнь үргэхэ. ר

¹⁰ Хорото һанаата хүн хаража, атаархаха, ש шүдөө хабирха, хайлан һалаха. ת Хорото зоной хүсэл бэелүүлэгдэхэгүй.