Псалманууд 110 - Бурятский Библия. Отдельные книги Ветхого Завета

1 [Давидай магтаал дуун.]

¹ [Давидай магтаал дуун.] Эзэн минии эзэндэ: «Бузар дайсадыеш хүл дорош дэбһүүлэн табитарни баруун гар таладам һуугаарай», — гэжэ айладхаба.

² «Дайсадайнгаа дунда захирагша боло», — гээд Эзэн Сионһоо хүсэтэ баяг танда эльгээхэ.

³ Эзэнэй уур хилэнсэглэһэн тэрэ үдэр арад түмэншни һайн дураараа байлдаанда гараха. Эзэн айладхаа: «Нангин хаданууд дээрэ, шүүдэр мэтээр, үүрэй толоной задархын урда тээ Би шамайе түрөөб».

⁴ Эзэн тангариг үргөө, хэлэһэн үгэеэ ондоо болгохогүй: «Малхицээдэгтэл адли, ши хэтэ мүнхэдөө тахилшан гээшэш».

⁵ Эзэн баруун гараараа тангариг үргөө. Хилэнтэ үдэрөө тэрэ бусад хаашуулые һамна бута сохихо,

⁶ үндэһэ яһатаниие сүүдлэхэ, бүгэдые хүүрээр дүүргэхэ, үргэн дэлхэй дээрэ удамаршадые бута сохихо.

⁷ Замдаа горхонһоо тэрэ ундалаад, хүсэ шадалтай боложо, түгэс илалта туйлаха.