Иона 3 - Бурятский Библия. Отдельные книги Ветхого Завета

¹ Эзэнэй Ёонаада хоёрдохиёо хэлэһэн үгэ:

² «Түхеэрээд Нинэвээ ошо, агуу хото, тэндэ номнохош Минии шамда хэлээшые».

³ Эзэнэй хэлээшээр Ёонаа түхеэрээд, Нинэвээ ошобо; Бурханда Нинэвээ агуу хото байгаа, гурбан хоногой туршада гаталха хэмжээтэй байгаа.

⁴ Ёонаа нэгэ үдэрэй хэмжээээр хото соогуур ябаха үедөө номнол буулган иигэжэ хэлэбэ: «Дүшэн хоногой үнгэрхэдэ Нинэвээ һандаргагдаха!

⁵ Нинэвээ хотынхид Эзэндэ этигэбэ, масаг соносхобо, багашуулһаа эхилээд булта хүнүүд шэрүүн бүдөөр оёгдоһон юрын хубсаһа үмдэбэ.

⁶ Энэ үгэ Нинэвээгэй хаанда дуулдаба, тэрэ өөрынгөө хан шэрээһээ бодобо, үмдэжэ ябаһан хубсаһаяа тайлаад, шэрүүн бүдөөр оёгдоһон юрын хубсаһа үмдөөд, шандаруу дээрээ һууба,

⁷ хаанай болон түшэмэлнүүдэй үмэнэһөө Нинэвээдэ зарлиг болгон иигэжэ соносхогты: «Хүнүүд ба мал, сар, хонид юумэ эдихэгүй, бэлшээридэ гарахагүй, уһа уухагүй,

⁸ шэрүүн бүд хубсаһа үмдэхэ мүн, мал, сарнууд, хонидшье хушагдаха, Бурханда хандан, оог хуугай табилдахадаа, хүн бүхэн гэмтэ ябадалнуудаа, өөрынгөө гараар хэһэн үйлэ буруу хэрэгүүдээ буруушааха ёһотой.

⁹ Хэн мэдэбэб, Бурхан үршөөжэ, Өөрынгөө һүрөөтэ уур сухалые манһаа зайсуулжа, бидэ хосорхогүйл ааламди».

¹⁰ Бурхан тэдэнэй хэрэгүүдые хараад, өөһэдынгөө харата муухай замһаа холодоходонь, Бурхан тэдэниие хайрлажа, хэһээхэ гэһэнээ болюулба.