Эхин 10 - Бурятский Библия. Отдельные книги Ветхого Завета

Ноахһаа үдэн гараһан арадууд

¹ Нойн гурбан хүбүүд болохо Шеэм, Хаам ба Яапэдэй угай бэшэг эндэһээ эхитэй. Үерэй һүүлээр гурбуулаа тэдэ хүбүүдтэй болоо һэн.

² Яапэдэй хүбүүд: Гоомэр, Магог, Мадай, Яваан, Тубаал, Мээшэх ба Тирас.

³ Гоомэрэй хүбүүд: Ашхэнааз, Рифат ба Тогармаа.

⁴ Яваанай хүбүүд: Элишаа, Таршииш, Киттим, Роданим.

⁵ Тэдэнэй үри һадаһад далайн эрьеэр, мүн олтирогуудаар ажаһуугша зоной эхи табигшад болоно. Элдэб газар дайда, уг унги, айл аймагуудаар ажаһуугша, өөрын тусгаар хэлэтэй зон тэдээнһээл эхи абаа.

⁶ Хаамай хүбүүд: Күүш, Мицраим, Пүүт болон Ханаһаан.

⁷ Күүшэй хүбүүд: Севаа, Хавилаа, Савта, Раамаа ба Савтеха. Раамаагай хүбүүд: Шээба ба Дэдаан.

⁸ Күүшэй хүбүүн Нимрод мүн. Тэрэ дэлхэй дээр түрүүшын хүсэтэ баатар байгаа.

⁹ Эзэнэй туһаар тэрэ ехэ ангуушан болоһон байгаа. Тиимэһээ зон иигэжэ хэлсэдэг: «Эзэнэй үршөөл хайратай мэргэн ангуушан Нимрод мэтэ».

¹⁰ Түрүүшээр тэрэнэй хаан түрэ Вавилоон, Ээрэх, Аккаад гэдэг гурбан хотоһоо бүридэдэг бэлэй. Эдэ гурбуулаа Вавилооной дайдада оршодог байгаа.

¹¹ Энэ газар дайдаһаа тэрэ Ассири ошожо, тэндээ Нинэвээ, Реховот-Ир, Калах

¹² мүн баһа Ресен (энэнь Нинэвээ ба ехэ хото Калахай хоорондо) хотонуудые бодхоогоо һэн.

¹³ Мицраимһаа үдэн гараа: лудинүүд, анамнууд, леһавнууд, нафтухнууд,

¹⁴ патруснууд, каслухнууд, тэдэ хоёрһоо пилиштүүд гараһан, кафторнууд.

¹⁵ Ханаһаан ууган хүбүүндээ Сидоон гэжэ нэрэ үгэбэ. Тэрэнэй бусад хүбүүдынь Хээт,

¹⁶ Ебүүс, Эмоор, Гиргааш,

¹⁷ Хиив, Арк, Сиин,

¹⁸ Арваад, Цемэр болон Хамаат гэгшэд. Хожомынь ханаһаан обогтон үргэнөөр тараа бэлэй.

¹⁹ Тэдэ Сидоон хотоһоо урагшаа далайн эрьеын Гааза хотын оршом болохо Гэраар хүрэтэр, тэндэһээ зүүн тээшээ Лаша хүрэтэр Цэбоһиим, Содом, Гоморро, Адмаа гэдэг хотонуудые бии болгобо.

²⁰ Иигэжэ Хаамай бүхы үри һадаһад өөр өөһэдын хэлэтэй обог аймагууд боложо, өөһэдын мэдэлэй харьяата газар нютагтай болоһон гэхэ.

²¹ Яапэдэй аха Шеэм Ээбэрэй хүбүүдэй элинсэг эсэгэ болоно.

²² Шеэмэй хүбүүд гэбэл: Элаам, Ашшуур, Арпахшаад, Лүүд ба Араам.

²³ Араамай хүбүүд: Уц, Хуул, Гээтэр ба Маш.

²⁴ Арпахшаад Шээлах гэдэг хүбүүтэй һэн, Шээлахэй хүбүүн Ээбэр.

²⁵ Ээбэр хоёр хүбүүтэй болоһон юм. Тэрэ үедэ олон обог аймагуудай бэе бэеһээ таһаран һалажа байһан ушарһаа Ээбэр нэгэ хүбүүндээ «хубаарилга» гэһэн удхатай Пээлэг гэжэ нэрэ үгэбэ. Нүгөөдэ хүбүүнэйнь нэрэ — Ёктаан.

²⁶ Ёктаанай хүбүүд: Алмодаад, Шээлэф, Хацармаавэт, Йарах,

²⁷ Һадораам, Узаал, Диклаа,

²⁸ Оваль, Абимаэл, Шээба,

²⁹ Опиир, Хавилаа, Ёбааб. Эдэ хүбүүд булта Ёктаанай болоно.

^30-31 Иигээд Шеэмэй үри һадаһад өөр өөрын хэлэтэй обог аймагууд боложо, Меша хотын ба зүүн зүгтэ хада уулатай газарта оршодог Сефар хотын хоорондо һуурижаһан гэхэ.

³² Нойн хүбүүдһээ эдэ олон обог аймагууд үдэжэ, хожомынь ами аминдаа арадууд болоһон гэхэ. Үерэй удаа тэдээнһээл бүхы дэлхэйн арад түмэн эхи абаһан түүхэтэй.