Римэйхиндэ 16 - Библи

Хүнүүдые амаршална

¹ Кенхрейын һүзэглэгшэдэй бүлгэмдэ хүдэлдэг Фива эгэшэтэй таанадые танилсуулхамни.

² Тэрэниие Бурханай хүнүүдтэ зохихо ёһоор Эзэнэй нэрээр угтажа абаарайгты, хэрэгүүдтэнь өөһэдынгөө зүгһөө шадалаараа хамһалсажа байгаарайгты. Тэрэ эхэнэр намдашье, бусадшье олон зондо ехэ туһа хүргөө юм.

³ Ааквила Прискиилла хоёрто намһаа мэндэ дамжуулаарайгты. Тэдэнэр намтай хамта Христоос Иисүүстэ алба хэхэһээ гадна

⁴ минии түлөө ами наһанай аюул оһолдошье орожо байгаа. Гансашье би бэшэ, харин еврей-бэшэ һүзэглэгшэдэй бүлгэмүүд бултадаа тэдээндэ баяр баясхалан хүргэнэ.

⁵ Тэдэнэй гэртэ суглардаг һүзэглэгшэдэй бүлгэмдэ амар мэндые хүргөөрэйгты. Аси можын Христоосто һүзэглэгшэдэй түрүүшын хүниинь байһан инаг хайрата Эпэнээт нүхэртэмни мэндые дамжуулаарайгты.

⁶ Таанадай аша туһада аргагүй ехээр хүдэлжэ байһан Марияда амар мэндые хүргөөрэйгты.

⁷ Намтай хамта түрмэдэ һууһан манай яһанай Андроник Юния хоёрто мэндые дамжуулаарайгты. Тэдэ хоёр элшэнэрэй дунда мэдээжэ, намһаа урда Христоосто һүзэглэһэн түүхэтэй юм.

⁸ Эзэндэ һүзэглэһэн дүүгэй хубида намда ехэл инаг хайрата Амплиадта мэндые дамжуулаарайгты.

⁹ Маанадаар хамта Христоосто алба хэдэг Урбанда, минии инаг хайратай Стахида амар мэндэ хүргөөрэйгты.

¹⁰ Туршалгануудые дабахадаа, Христоосто үнэн сэхэ байһанаа баталһан Апэллээстэ мэндые дамжуулаарайгты. Аристобулай гэр бүлэдэ амар мэндэ айладхаарайгты.

¹¹ Минии яһанай Иродиондо, Христоосто һүзэглэдэг Наркисай гэр бүлынхидтэ амар мэндые дуулгаарайгты.

¹² Эзэндэ алба хэжэ байһан Трюфана Трюфоса хоёрто, Эзэнэй аша туһада аргагүй ехэ ажал бүтээһэн инаг хайрата Персидэдэ мэндые дамжуулаарайгты.

¹³ Эзэнэй шэлэжэ абаһан Рүүфтэ, намда хүбүүндээл адли хандадаг тэрэнэй эжыдэ мэндыемни дамжуулаарайгты.

¹⁴ Асинкрит, Флегонт, Һэрмээс, Патроб, Һэрмаа болон тэдэнтэй байһан бусад һүзэглэгшэ аха дүүнэртэ мэндыемни дамжуулаарайт.

¹⁵ Филолог Юлия хоёрто, Нерейдэ, тэрэнэй дүү басаганда, Олимпда, тэдэнтэй хамта байһан Бурханай бүхы хүнүүдтэ мэндыемни дамжуулаарайгты.

¹⁶ Бэе бэеэ таалажа амаршалаарайгты. Христоосой һүзэглэгшэдэй бүхы бүлгэмүүд таанадта мэндэеэ дамжуулна.

Түгэсхэлэй захибари

¹⁷ Аха дүүнэр, таанадай һуража абаһан бүхы юумые буруушаан, бэрхэшээл зоболон тулгаруулдаг, һүзэглэгшэдэй бүлгэмые хоорондонь хубаадаг хүнүүдһээ болгоомжолжо байгты гэжэ гуйнаб. Таанад тиимэ зонһоо зайсажа байгты.

¹⁸ Тэдэ зон тиимэ юумэ хэхэдээ, манай Эзэн Христоосто бэшэ, харин өөрынгөө гэдэһэ ходоодо алба хэнэ. Тэдэнэр уран гоё үгэ хүүрээрээ гэнэн гэдэргэ зонииел зангадаа оруулдаг.

¹⁹ Эзэнэй мэдэлдэ бүрин байдагыетнай хүн бүхэн мэдэхэ, тиимэһээ би таанадай түлөө баярлажа байдаг хүнби. Һайн һайхан юумые ойлгожо байгаад, нүгэлтэ муухай юумэнһээ зайсажа байһайт гэжэ хүсэнэб.

²⁰ Маанадта амгалан байдал үршөөдэг Бурхан удангүй сатанае танай ула доро оруулан һүнөөхэ. Манай Эзэн Иисүүсэй үршөөл хайра таанадтай оршожо байхань болтогой!

²¹ Намтай хамта хүдэлдэг Тимофей, баһа манай яһатанай хамаатан Лукий, Ясоон, Сосипатр гэгшэд таанадта мэндые дамжуулна.

²² Энэ бэшэгые саарһан дээрэ буулгаһан һүзэглэгшэ Тертий би баһа таанадта амар мэндые дамжуулнаб.

²³ Гэртээ намайе айлшалуулһан, һүзэглэгшэдэй бүлгэмые суглуулдаг Гай таанадта мэндые дамжуулна. Хотын мүнгэнэй һан эрхилэгшэ Эрааст, Кварт дүүмнай таанадта баһа мэндые дамжуулна.

Түгэсхэлэй зальбаралга

²⁵ Бурханда магтаал соло дуудая! Тэрэ болбол Иисүүс Христоос тухай минии номноһон Һайн Мэдээсэлэй ёһоор танай һүзэгые бэхижүүлхэ аргатай. Урдань тэрэ Һайн Мэдээсэл үни удаан саг соо далда нюуса байгаа.

²⁶ Харин мүнөө тэрэ үнэн зүбые лүндэншэдэй бэшэгүүд нээгээ; бүхы хүнүүдэй һүзэглэжэ, үгыень дуулажа байхын тула мүнхэ Бурхан захиралтаараа бүхы арадуудта тэрэниие мэдүүлээ.

²⁷ Ори ганса, сэсэн мэргэн Бурхан Иисүүс Христоосой ашаар хэтын хэтэдэ алдар солотой байхань болтогой!