Псалманууд 97 - Библи

1 [Псалма.]

¹ [Псалма.] Эзэндэ шэнэ дуу дуулагты, юуб гэбэл, Тэрэ гайхамшаг хэрэгүүдые хээ. Баруун гарынь, арюун шандааһаниинь илалта Тэрээндэ туйлуулаа.

² Эзэн Өөрын абаралые мэдүүлээ, үндэһэтэдэй хараһаар байтар зүб шударгаяа элирхэйлээ.

³ Тэрэ энэрэл хайраяа, Израилиин зондо үнэн сэхэеэ һанаа. Дэлхэйн заха хизаарай бүхы зон манай Бурханай абаралые хараа.

⁴ Бүхы дэлхэй, Эзэнэй урда хүхигты! Баясагты, хүхилдэгты, дуулагты!

⁵ Ятагаар хүгжэмлэн, ятагаар дууряан, псалма дуулагты Эзэндэ!

⁶ Бүреэ болон эбэр бүреэ дуугарган, Эзэн Хаанай урда баясан байгты!

⁷ Тэнгис далай болон тэрээн соо байгааша бүхэн, юртэмсэ болон тэрээн соо амидарагша бүхэн нэерэн байг лэ!

⁸ Гол мүрэнүүд альга ташаг, хада ууланууд хамта хүхилдэг

⁹ Эзэнэй урда! Юуб гэбэл, Тэрэ газар дэлхэйе шүүхэеэ заларжа байна. Тэрэ юртэмсые зүб шударгаар, арадуудые сэхэ тэгшээр шүүбэрилхэ!