Псалманууд 92 - Библи

¹ Эзэн бол Хаан мүн. Хубсаһаниинь – һүр жабхалан, хубсаһанайнь бүһэ бол хүсэ шадал! Дэлхэй бата, хэлбэлзэхэгүй.

² Хан шэрээтнай эртэ урда сагһаа хойшо тогтонхой, Та сагай эхинһээ хойшо байнат.

³ Эзэн, мүрэнүүд хүнхэнэнэ, мүрэнүүд ехэ шааяна, долгиёо дээшэнь үргэнэ.

⁴ Мүрэнүүдэй шааяанһаашье, далай хүсэтэ долгидһоошье үлүү хүсэтэйл, үндэртэ оршогшо Эзэн!

⁵ Танай һургаал заабаринууд үнэн зүб. Эзэн, нангин үргөөтнай хэтэдээ арюун.