Псалманууд 91 - Библи

¹ [Псалма. Амаралтын үдэрэй дуун.]

² Эзэндэ талархал үргэхэнь, Дээдэ Бурхан, нэрыетнай магтахань һайн,

³ үглөөнь энэрэл хайрыетнай, һүниндөө үнэн сэхыетнай зарлахань,

⁴ арбан утаһатай ятаг болон хүбшэргэйтэ зэмсэг дээр, ятагай хүгжэмөөр тунхаглахань һайн.

⁵ Юуб гэбэл, Эзэн, Та хэһэн зүйлээрээ намайе баясуулаат, гарайтнай үйлэ хэрэгүүдһээ болон баяртайгаар дууланам.

⁶ Эзэн, Танай үйлэ хэрэгүүд хэды агуу бэ! Бодолнуудтнай гүнзэгы мүн!

⁷ Тэнэг хүн мэдэхэгүй, мунхаг хүн ойлгохогүй.

⁸ Тиимэ, муу зон үбһэ ногоон мэтэ ургана, гэмтэн һалбаржа байна. Гэбэшье тэдэ хэтэ мүнхэдөө үгы болохо.

⁹ Харин Та, Эзэн, хэтэдээ агууехэт!

¹⁰ Юуб гэбэл, дайсадтнай, үзөөрэйт, Эзэн, Танай дайсад хосорхо, гэм хэгшэд бултадаа тараагдаха.

¹¹ Харин Та эбэрыем зэрлиг үхэрэй мэтээр үргэнэт, шэнэхэн тоһоор тоһологдооб.

¹² Нюдэдни дайсад руу харана, шэхэнүүдни урдаһаамни бодогшо муу муухай зон тухай соносоно.

¹³ Зүб шударга хүн пальма модондол сэсэглэнэ, Ливаанай хуша модондол ургана.

¹⁴ Эзэнэй нангин үргөө соо һуулгагданхай, Бурханаймнай хашаа соо тэдэ сэсэглэнэ.

¹⁵ Тэдэ хүгшэрөөшье һаа, жэмэс үгэнэ, тэдэ шүүһэлиг, ногоон.

¹⁶ Энэ хадаа Эзэн шударга сэхэ гээшые тунхаглахын тула юм. Тэрэ хадаа хорохо хабсагаймни, буруу юумэн доторнь үгы.