Псалманууд 85 - Библи

1 [Давидай зальбарал.]

¹ [Давидай зальбарал.] Эзэн, шэхээ табиит, харюусыт намда, юуб гэбэл, би үгытэй болон угаа ядуу мүн.

² Танда этигэдэг байһандам ами наһым хамгаалыт. Танда найдадаг Өөрын зарасые абарыт, Бурхамни!

³ Эзэн, намайе хайрлыт, юуб гэбэл, бүхэлиин үдэрөө Таниие дууданаб.

⁴ Өөрын зарасын сэдьхэл баясуулыт, Юуб гэбэл, Эзэн, Танда ами наһаа даалганаб.

⁵ Юуб гэбэл, Эзэн, Та һайн ба нигүүлэсхыт, Таниие дуудагша бүхэндэ энэрэл хайраар дүүрэнта.

⁶ Эзэн, мааниием дуулыт, зальбарһыем анхарыт.

⁷ Зоболонто үдэрөө Таниие дууданаб, юуб гэбэл, Та намайе дуулахат.

⁸ Танда адли Бурхан байхагүй, Тандал адли үйлэ хэрэгүүд байхагүй.

⁹ Танай бүтээһэн арадууд бултадаа ерэжэ, Танай урда һүгэдэхэ, Эзэн! Танай нэрэ алдаршуулха.

¹⁰ Юуб гэбэл, Та агууехэт, гайхамшагта хэрэгүүдые бүтээдэгта. Та гансаараал Бурхан мүн.

¹¹ Эзэн, намайе Өөрын замаар шэглүүлыт, Танда үнэн сэхээр ябахалби, Танай нэрые хүндэлдэг байхыем зүрхэ бодолым шангадхан байгыт.

¹² Үнэнхэ зүрхэнһөө, Эзэн Бурхамни, Таниие магтанаб, нэрыетнай хэтэ мүнхэдөө алдаршуулан байхалби.

¹³ Юуб гэбэл, нам руу шэглүүлһэн Танай энэрэл хайра агууехэ: Үхэлэй ороной гүнһөө минии сэдьхэл абараат.

¹⁴ Бурхан, дээрэлхүү зон урдаһаам бодожо, муу муухай зон намайе алахаар бэдэрнэ. Өөһэдын урда тэдэ Таниие залаагүй.

¹⁵ Харин Та, Эзэн Бурхан, үршөөлтэйт, нигүүлэсхыт, удаан тэсэбэритэй, энэрэл хайраар болон үнэнөөр элбэгта.

¹⁶ Нам руу эрьеыт, намайе хайрлыт, Өөрын зарасада хүсэеэ хайрлыт, Өөрын зарасые абарыт.

¹⁷ Намда һайн байһанайнгаа дүлгэ тэмдэгые үзүүлыт. Намайе үзэн ядагшад хараад, эшэг лэ, юуб гэхэдэ, Та, Эзэн, намда туһалаат, намайе тайбшаруулаат.