Псалманууд 84 - Библи

¹ [Дуунай бүлэгэй хүтэлбэрилэгшэдэ: Коорахай уг удамай. Псалма.]

² Эзэн, Та Өөрын нютагта энэрхы хандаат, Яковай арадые баряанһаа бусаагаат.

³ Арад түмэнэйнгөө гэмые хүлисөөт, бүхы нүгэлынь наманшалаат, [Хүгжэм]

⁴ уурлахаа болёот, дүрэлзэжэ байгаа уур хилэнгээ зайлуулаат.

⁵ Манай абаралай Бурхан, бидэниие һэргээгыт, маанадта уурлахаа болиит.

⁶ Та маанадта хэтэдээ уурлан байха юм гүт, үеһөө үедэ уур хилэнтнай дамжаха юм аал?!

⁷ Танай өөһэдтэйнь байһанда арад түмэнэйнгөө баясахын тула маанадые дахин һэргээхэгүй юм гүт?!

⁸ Эзэн, Өөрын энэрэл хайрые маанадта үзүүлжэ, абаралаа бидэндэ үршөөгыт.

⁹ Эзэн Бурханай юу айладахые дуулахаб. Өөрын арад түмэндэ, Өөрын үнэн сэхэ, тэнэг замаараа бэшэ ябахагүй зондо Тэрэ амгалан тайбаниие тунхаглаха.

¹⁰ Өөрыень хүндэлэгшэ зондо абарал дүтэлөө. Манай газар нютагта Алдар соло оршохол!

¹¹ Энэрэл хайра болон үнэн хамта уулзаха, зүб шударга болон амгалан тайбан таалалдаха.

¹² Үнэн газарһаа ургажа, зүб шударга огторгойһоо шэртэхэ.

¹³ Иигэжэ Эзэн һайн һайханиие үршөөхэ, газарнай үрэ жэмэс үгэхэ.

¹⁴ Зүб шударга урдань ябаха, зам табиха.