Псалманууд 81 - Библи

1 [Асаапай псалма.]

¹ [Асаапай псалма.] Бурхан бурхадай суглаанда бодожо, тэдээн тушаа иимэ зарлиг тунхаглаа:

² «Хэды болотор таанар буруу шүүбэрилхэбта, хорото муу зоной талые баримталхабта?! [Хүгжэм]

³ Ядуу болон үншэн хэнзые аршалагты, зобоһон-тулиһан болон үгытэй зониие зүбөөр шүүжэ байгты.

⁴ Ядуу болон үгытэйе абарагты, хорото муу зоной һабарһаа мултаруулагты!»

⁵ Харин тэдэ ойлгоогүй, мэдэрээгүй! Харанхыда ябана! Дэлхэйн һуури хүдэлбэ!

⁶ Би таанадта хэлээ бэлэйб: «Таанад – бурхад гээшэт, бултадаа Дээдэ Эзэнэй хүбүүдта.

⁷ Харин таанар хүнүүдтэл адли үхэхэт, алишье ноёндол адли унахат».

⁸ Бурхан, бодыт! Дэлхэйе шүүбэрилыт! Бүхы арадууд – Танай эзэмшэл мүн.