Псалманууд 8 - Библи

¹ [Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Давидай псалма.]

² Эзэн Бурхамнай! Нэрэтнай дэлхэй дүүрэн һүр жабхалантай!

³ Үхибүүдэй, нарай нялха хүүгэдэй аманһаа Та Өөртөө магтаал дуудуулхат! Дайсадай урдаһаа Та бүхэлэлтэ хээт, үһөөгөө абагшыешье номгоруулаат.

⁴ Танай бүтээһэн огторгой, Танай байгуулһан һара, мүшэдые харанам.

⁵ Хүн гээшэ юун бэ, Яагаад тэрэниие Та һананабта? Хүнэй хүбүүн юун бэ, Яагаад Та тэрэниие анхарнабта?

⁶ Ойро зуура тэрэниие Та Эльгээмэлнүүдһээ доогуур табяат, алдар солоор ба нэрэ хүндөөр титимлээт.

⁷ Танай бүтээлнүүд дээгүүр засаглаха эрхэ тэрээндэ олгуулаат, ула доронь бүгэдые оруулаат:

⁸ хони ямаадые, бухануудые, ан арьяатанииешье,

⁹ огторгойн жэгүүртэниие, далайн уудамда тамардаг загаһадые…

¹⁰ Эзэн Бурхамнай! Нэрэтнай дэлхэй дүүрэн һүр жабхалантай!