Псалманууд 78 - Библи

1 [Асаапай псалма.]

¹ [Асаапай псалма.] Бурхан, хариин зон Танай угай зөөри руу ерээл. Тэдэ нангин үргөөетнай бузарлаа, Иерусалимые һандарал болгоо.

² Богоолнуудайтнай бэе шубуу шонхорто эдишэ болгон, гэгээн зонойтнай бэе ан арьяатануудта үгөөл.

³ Тэдэнэй шуһые уһан мэтээр Иерусалимые тойрон урасхуулаа, тэдэниие хүдөөлүүлхэ хэншье байгаагүй.

⁴ Бидэ хүршэнэртөө энеэдэ наадан болообди, тойроод маанадые баһана, шоо үзэнэ.

⁵ Эзэн! Хэзээ болотор уурлахабта? Хэтэдээ юм гү? Уур хилэнтнай гал мэтэ хэды болотор дүрэлзэн байхаб?

⁶ Таниие мэдэдэггүй арадууд руу, нэрыетнай дуудадаггүй хан түрэнүүд руу уураа хандуулыт.

⁷ Юуб гэбэл, тэдэ Яковые залгижа, байра байдалынь хооһоруулаа.

⁸ Элинсэгэймнай нүгэлые маанадта бү ашыт, Өөрын энэрэл хайрые бидэндэ үзүүлыт, ушарынь угаа зобоод байналди.

⁹ Маанадые абаржа байгаа Бурхан, Өөрын нэрын алдар солын түлөө бидэндэ туһалыт! Өөрын нэрын түлөө бидэниие абарыт, нүгэлымнай хүлисыт!

¹⁰ «Бурханиинь хаана юм?» гэжэ үндэһэтэд юундэ хэлэжэ байха юм? Богоолнуудайтнай шуһа урасхуулһанай түлөө яажа хэһээдэгыетнай манай хараһаар байтар тэдэ үндэһэтэд үзэг лэ!

¹¹ Шорондо байгаашадай ёолохонь Танда дуулдаг, үхэхэ ёһотой зониие агууехэ хүсэ шадалаараа абарыт!

¹² Эзэн, Таниие баһаһанайнь түлөө баһалтыень хүршэнэртэмнай долоо дахин үлүүгээр бусаагаарайт!

¹³ Харин бидэ, Танай арад түмэн, Танай бэлшээриин хонин һүрэг, Таниие мүнхэ алдаршуулан байхабди, үеһөө үедэ Танда магтаал үргэхэбди.