Псалманууд 69 - Библи

¹ [Дуунай бүлэгэй хүтэлбэрилэгшэдэ: Давидай зохёоһон. Дурасхалда.]

² Бурхан, намайе абарыт! Эзэн, намда туһалхаар яарыт!

³ Намайе алахаяа һанагшад бултадаа эшхэбтэр муухайда унажа, доромжолуулагдаг лэ! Намда мууе хүсэгшэд доромжолуулагдан, һөөргэлэг!

⁴ Намда «Ха, ха!» гэгшэд эшхэбтэр байдалда орон, буруу хараг!

⁵ Харин Тан руу эрмэлзэгшэ бүхы зон баясан, баярлан байг! Абарагшадаа дуратайшуул «Бурхан агууехэ!» гэжэ хододоо хэлэн байг!

⁶ Би үгытэй, ядууб, Бурхан, нам руу яарыт! Та хадаа минии туһалагша, минии абарагша мүн, тиимэһээ, Эзэн, бү удаарыт!