Псалманууд 64 - Библи

¹ [Дуунай бүлэгэй хүтэлбэрилэгшэдэ: Давидай псалма, дуун.]

² Бурхан, Сион дээрэ Танай урда магтаал соностоно, Танай урда тангаригууд бэелүүлэгдэг.

³ Та зальбарал дууланат. Амиды голтой бүхэн Тан руу ерэг лэ!

⁴ Намайе гэм буруу диилээл. Та манай алдууе заһанат.

⁵ Өөрын хашаа соо оршохыень Танай Өөртөө дүтэлүүлэгшэ, шэлэн абагша хүн хэды ехэ юрөөлтэйб! Танай нангин үргөө соо, арюун һайхан үргөө соотнай жаргал эдлэхыемнай үршөөгыт!

⁶ Маанадай абаралай Бурхан! Дэлхэйн хизаарнууд болон алас холын далайн этигэл болохо Та зүб шударгаараа, айдаһа хүрэмөөр үйлэ хэрэгүүдээрээ маанадта харюусыт!

⁷ Хүсөөрөө хадануудые табяат, хүсэ шадалаараа Өөрыгөө бүһэлөөт.

⁸ Долгиной шааяае, зоной шууялдахые, далайн хүнхинөөе Та номгоруулаат!

⁹ Танай дүлгэ тэмдэгүүдһээ дэлхэйн хизаарнуудтахи зон айна. Зүүн болон баруун зүгүүдээр Өөрыгөө магтуулнат.

¹⁰ Та газар тухай һанаагаа табинат, ундалуулнат, баяжуулнат, Бурханай урасхал уһаар билтарма газар хүрьһэ бэлдэжэ, ургаса ургуулнат.

¹¹ Бураздааень уһалнат, газар тэгшэлнэт, бороогоор дэбтээнэт, ургаһан юумыень юрөөнэт.

¹² Зуниие баян ургасатай болгонот, ябаһан газартатнай тоһон урдана.

¹³ Хээрэ талын бэлшээринүүдшье тоһоор билтаржа, добо толгойнуудшье баяраар хушагдана.

¹⁴ Нуганууд мал һүрэгөөр нэмэрэгдэн, нюруу газарнуудшье ургасаар билтарна, баясан-баярлан, тэдэ дуулана.