Псалманууд 61 - Библи

¹ [Дуунай бүлэгэй хүтэлбэрилэгшэдэ: Едүтүүнэй аялга. Давидай псалма.]

² Гансал Бурханаар сэдьхэлни аниргүй болон, амаран байна, Тэрээнһээл абарал намда үршөөгдэхэ.

³ Тэрэ гансаараа хабсагайм, абарални, хорохо газарни, би бэшэ ганхахагүйб.

⁴ Таанад хэды болотор хүн руу алаха гэжэ добтолон байхабта?! Хэмхэрэн унажа байгаа хана, унахаяа байгаа хашаа мэтэт.

⁵ Таанар тэрэниие үндэр һууриһаань унагааха гэжэ хэлсэбэт, худалаар хэлэнэт. Амаараа юрөөһэн аад, дотороо хараажа байналта! [Хүгжэм]

⁶ Сэдьхэлни, гансал Бурхан дотор амархаяа мэдээрэй! Юуб гэбэл, Тэрээндэл би найданаб.

⁷ Гансал Тэрэ хабсагайм, абарални, хорохо газарни! Би ганхахагүйб.

⁸ Абарални болон алдарни – Бурханда, Бурхан – хүсэ шадалайм хада хабсагай, хорохо газарни.

⁹ Арад түмэн! Хододоо Тэрээндэ найдан байгты! Тэрэнэй урда сэдьхэлээ нээгты, Бурхан манай хорохо газар мүн. [Хүгжэм]

¹⁰ Арад зон хадаа юуншье бэшэ, хүнүүд хооһон хии юм. Шэгнэбэл, тэдэ хамта амисхалһаалшье хүнгэн.

¹¹ Харшалга дарлалтада бү найдагты, дээрмэшэлгэ тонуулда бү этигэгты. Баялигай нэмэжэ байгаада сэдьхэл зүрхэеэ бү зорюулагты.

¹² Бурхан айладхаа, бишье хоёр удаа дуулаһан байнаб хүсэн – Бурханһаа гээшые!

¹³ Эзэн, энэрэл хайрашье – Танһаа, юуб гэбэл, хэһэн хэрэгэйнь хэмээр хүн бүридэ харюулдагта.