Псалманууд 60 - Библи

¹ [Дуунай бүлэгэй хүтэлбэрилэгшэдэ: хүбшэргэйтэ зэмсэгэй дууряалга доро. Давидай зохёоһон.]

² Эзэн, минии хашхархые дуулыт! Зальбаралым анхарыт!

³ Дэлхэйн хизаарһаа зүрхөө үбдэн Таниие дууданаб. Хабсагай дээрэ намайе үргэн табиит, өөрөө тэндэ гаража шадахагүйлби.

⁴ Та минии хорохо газар, дайсанһаа хамгаалха бүхэлэлтэ мүн.

⁵ Танай майхан соо хэтэ мүнхэдээ байһуулби, жэгүүр доротнай хороһуулби. [Хүгжэм]

⁶ Бурхан, Та минии найдуулга соносоо бэлэйт, Танай нэрые хүндэлдэг зонтой хамта хуби үгөө бэлэйт.

⁷ Хаанай наһые утадхыт, үеһөө үедэ наһаниинь үргэлжэлэг лэ!

⁸ Тэрэ Танай урда хэтэдээ һууг лэ, энэрэл хайра болон үнэн зүбтнай тэрэниие хамгаалаг лэ.

⁹ Танай нэрые хэтэ мүнхэдөө магтан дуулахаб, найдуулгаяа үдэр бүри бэелүүлэн байхаб.