Псалманууд 6 - Библи

¹ [Дуунай бүлэгэй хүтэлбэрилэгшэдэ: найман хүбшэргэйтэй зэр зэмсэгэй дууряалга доро. Давидай псалма.]

² Эзэн, хилэнсэглэн намайе бү хэһээгыт! Уурлан намда гэм бү амасуулыт!

³ Хүсэмни һалаал, Эзэн, намайе хайрлыт! Бэемни һалганажа байна, эдэгээгыт!

⁴ Һүнэһэмни шэшэржэ байна! Эзэн! Хэды болотор энэ үргэлжэлхэб?!

⁵ Хайрлыт! Ами наһыем үлөөгыт! Нигүүлэсхы сэдьхэлтэй Та, намайе абарыт!

⁶ Юуб гэхэдэ, үхэһэн хүн Тан тушаа һанахагүй, Үхэлэй орондо хэншье Танда магтаал үргэхэгүй.

⁷ Ёолохоһоо эсэшооб, һүни бүри дэрэмни нулимсаһаа нойтон, унтари хэбтэреэ гашуун нулимсаар норгоноб.

⁸ Гай гашуудалһаа нюдэмни шэргээ – дайсад руугаа хаража шаданагүйб.

⁹ Муу муухай зон, намһаа зайлагты! Юуб гэхэдэ, Эзэн минии бархираа дуулаал!

¹⁰ Эзэн минии шэбшэлгэ дуулаха, зальбаралым Тэрэ анхарха!

¹¹ Дайсадни һүрдэхэ, эшхэбтэр байдалда орохо, нэрээ гутаан, тэрэ дары һөөргөө ошохо!