Псалманууд 51 - Библи

1-2 [Дуунай бүлэгэй хүтэлбэрилэгшэдэ. Эдоом хүн Доһээг ерэжэ, Саулда «Давид Ахимээлэхэй гэртэ ерээ» гэжэ хэлэхэ үедэ Давидай зохёоһон ирагуу үгэнүүд.]

^1-2 [Дуунай бүлэгэй хүтэлбэрилэгшэдэ. Эдоом хүн Доһээг ерэжэ, Саулда «Давид Ахимээлэхэй гэртэ ерээ» гэжэ хэлэхэ үедэ Давидай зохёоһон ирагуу үгэнүүд.]

³ Баатар, ши юундэ муу хэрэгүүдээрээ һайрханабши? Бурханай энэрэл хайра хэтэ мүнхын!

⁴ Хэлэншни бүлюудэһэн хутага мэтэ мэхэтэй, гэм түсэблээл.

⁵ Ши муу муухайда һайн юумэнһээ үлүү дуратайш, үнэнһөө шамда худал хуурмаг дээрэ! [Хүгжэм]

⁶ Мэхэтэй хэлэн, ши һүйдхэлтэ үгэ бүхэндэ дуратайш.

⁷ Харин Бурхан шамайе үгы болоторшни һалгааха, Тэрэ шамайе майханһаашни гаргажа хаяха, амидын газарһаа шамайе үндэһөөршни һуга татаха.

⁸ Зүб шударга зон хараад айха, наада барижа, иигэжэ хэлэхэл:

⁹ «Харыт, Бурханиие өөрын хорохо газар гэжэ тэрэ тоодоггүй байгаа, өөрын баян бардамда найдажа, гэм зэм хэжэ, баяжажа байгаа».

¹⁰ Харин би хадаа Бурханай нангин үргөө соо һалбаран ургажа байгаа чидүүн модон мэтэб, Бурханай энэрэл хайрада хэтэ мүнхэдөө найданаб.

¹¹ Хэһэн хэрэгүүдэй түлөө Таниие хэтэдээ магтанаб, Танда үнэн сэхэ зондо нэрэтнай һайн, нэрэдэтнай найданаб.