Псалманууд 40 - Библи

¹ [Дуунай бүлэгэй хүтэлбэрилэгшэдэ: Давидай псалма.]

² Үгытэй хүн тушаа һанаагаа зободог хүн юрөөлтэй, гай тодхорой үдэр Эзэн тэрэниие абархал.

³ Эзэн тэрэниие хамгаалха, ами наһыень аршалха, газар дэлхэй дээр тэрэ юрөөлтэй ажаһууха. Эзэн тэрэниие дайсадайнь зоргоондо үгэхэгүй.

⁴ Орондоо үбшэн хэбтэжэ байхадань, Эзэн тэрээндэ тэнхээ үгэхэ, үбшэнтэнэй хэбтээшэ орыень Эзэн хубилгаха.

⁵ «Эзэн, намайе хайрлыт, намайе эдэгээгыт, юуб гэбэл, Танай урда нүгэл хээб!» гэбэб.

⁶ Харин дайсадни нам тушаа иигэжэ муу юумэ хэлсэнэ: «Тэрэ хэзээ үхэжэ, нэрэнь дурдагдахаяа болихо гээшэб?».

⁷ Намайе эрьежэ ерэгшэ нэгэн худал хэлэнэ, сэдьхэлдээ хорон муугаа хоноожо, гарахадаа, бултанда тараана.

⁸ Намайе үзэн ядааша зон бултадаа нам тушаа мууе түсэблэн шэбэнэлдэнэ:

⁹ «Тэрэ эдэгэхээр бэшэ үбшэн, Хэбтэриин болоо, бэшэ бодохогүй».

¹⁰ Минии этигэдэг хүн, намтай суг хамта хилээмэ эдижэ байһан хүн, анда нүхэрнишье хүрэтэрөө минии урдаһаа эсэргүүсэбэ.

¹¹ Эзэн, Та намайе хайрлыт, тэдэндэ харюу үгэхым тула намайе бодхоогыт.

¹² Намайе диилэһэн тушаа дээрэм дайсанай хашхараагүй һаань, Таниие нам тушаа һанаагаа табидаг гэжэ ойлгохоб.

¹³ Намайе үнэн сэхэ зандам үлөөжэ, Өөрын урда хэтэ мүнхэдөө байлгахат.

¹⁴ Израилиин Эзэн Бурхан хэтын хэтэдэ юрөөлтэй! Болтогой! Болтогой!