Псалманууд 4 - Библи

¹ [Дуунай бүлэгые хүтэлбэрилэгшэдэ: хүбшэргэйтэ хүгжэмэй зэмсэгэй дууряалга доро. Давидай псалма.]

² Зүб шударгым тодорохойлдог Бурхан, Таниие дуудахадам, намда харюу үгыт! Айжа-һүрдэжэ байхадам, Та намайе айхаһаа сүлөөлөөт. Намайе үршөөгыт, зальбаралым дуулыт!

³ Улад зон! Хэды болотор Нам тухай муугаар хэлэжэ байхабта? [Хүгжэм] Хооһон юумэндэ дуратай, худал хуурмагые намнажа хэды болотор байхабта?

⁴ Өөртэнь үнэн сэхэ хүндэ Эзэн бусадһаа ондоогоор хандадаг гэжэ мэдээрээт. Дуудахадам, Тэрэ намайе дууладаг.

⁵ Уур сухалда абтаһаншье һаа, нүгэл шэбэл бү үйлэдэгты, Хэбтэжэ байхадаа, бодолгодо абтан, шэмээгүй байгты. [Хүгжэм]

⁶ Үргэлнүүдые зүбөөр үргэгты, Эзэндэ этигэн байгты.

⁷ «Хэн нэгэн бидэндэ жаргал асарха гү?» гэжэ олон зон хэлэнэ. Эзэн! Маанад руу һаруул харасаа шэглүүлыт!

⁸ Эдеэ хоолоор, жэмэсэй архяар баян зондошье байгаагүй баяр Та минии сэдьхэлдэ түхөөгөөт!

⁹ Амар энхэ унтахаа хэбтэнэб, нойрсоноб. Эзэн! Гансал Та намда аюулгүй амгалан байдал үршөөнэт!