Псалманууд 26 - Библи

1 [Давидай зохёоһон.]

¹ [Давидай зохёоһон.] Эзэн минии гэрэл туяа, абарални, хэнһээ айхабиб тиимэһээ? Эзэн минии ами наһанай хамгаалалта, хэнһээ һүрдэхэбиб тиимэһээ?

² Намһаа үһөөгөө абаха һанаатайшуул, дайсад болон муу муухай зон бэеым залгихаа намда дүтэлбэл, өөһэдөө бүдэрэн унаха!

³ Дайсанай түмэн сэрэг намайе бүһэлбэшье, би айхагүйб! Дайн дажар урдаһаамни болобошье, би этигэл найдалтай зандаа байхаб!

⁴ Би бэдэрһэн нэгэл юумээ Эзэнһээ гуйнаб: энэ хадаа Эзэнэй һайханиие хаража, нангин үргөөдэнь харюу Тэрээнһээ хүлеэн, наһан соогоо Эзэнэй үргөөдэ байһуулби.

⁵ Гай зоболонгой үдэр Тэрэ намайе Өөрын һарабша доро хоргодуулан хамгаалха, Өөрын майхангай нюуса газарта намайе хоруулха, намайе хада хабсагай дээрэ гаргаха.

⁶ Тиихэдэнь тойроод байгаа дайсад дээгүүр би үргэмжэлэгдэн, майхан соонь баясан, үргэл болон магтаал үргэхэб, Эзэндэ магтаалнуудые дуулахаб.

⁷ Эзэн, минии дуу хоолой шагныт, Таниие дууданаб, хайрлыт, харюу үгыт!

⁸ «Намайе харахаяа эрмэлзэгты!» гэһэн Танай үгэнүүдые һананаб. Эзэн, Тан руу би шармайнаб.

⁹ Намһаа буруу бү харыт! Уурлан зарасаяа бү этэрыт! Та минии туһамарша мүн! Минии абарагша Бурхан, намайе бү хаяыт, бү орхиит!

¹⁰ Эсэгэ, эхэм намайе орхинхой, харин Та нам тушаа һанаагаа зобохот!

¹¹ Эзэн! Өөрын зам намда заажа, сэхэ харгыгаар дахуулыт! Дайсадтамни зорюута энээниие хыт!

¹² Дайсадаймни зоргоондо намайе бү үгыт! Худалаар гэршэлэгшэд урдаһаамни худал хэлэнэ, намайе хардагшад хүсэрхэл хэхэеэ һанана.

¹³ Амиды зоной түби дэлхэй дээрэ Эзэнэй һайн һайханиие харахаб гэжэ этигэнэб.

¹⁴ Эзэндэ найдан бай! Хүсэ шадалтай бай, Зүрхэншни зоригтой болог! Эзэндэ найдан бай!