Псалманууд 22 - Библи

1 [Давидай псалма.]

¹ [Давидай псалма.] Эзэн болбол минии хонишон. Би юугээршье дутахагүйб.

² Тэрэ намайе ногоон бэлшээри дээр хэбтүүлжэ, амгалан уһан руу хүтэлэн абаашадаг.

³ Тэрэ минии урма зоригые бадараадаг. Тэрэ найдуулһанайнгаа ёһоор, зүб замаар намайе хүтэлдэг.

⁴ Үхэлэй харанхы хүндыгөөр ябабашье, хорото мууһаа айхагүйб, юуб гэбэл, Та, Эзэн, намтай хамта байнат. Танай һабаа, Танай баяг намайе хамгаалан, амар амгалан байлгана.

⁵ Дайсадайм хараһаар байтар урдамни зоогой шэрээ бэлдэбэт. Та намайе хүндэлэн ёһолбот, аягым билтарма дүүргэбэт.

⁶ Танай Һайн һайхан болон хайра энэрэл наһанайм туршада намайе хододоо дахан ябаха. Эзэнэй үргөө соо би удаан сагта оршохоб.