Псалманууд 17 - Библи

1 [Дуунай бүлэгэй хүтэлбэрилэгшэдэ: Эзэнэй богоол Давидай зохёоһон дуун. Давидые Саулһаа болон бүхы дайсадһаань Эзэнэй абархада, тэрэ энэ дууе Эзэндэ зорюулан дуулаба.]

¹ [Дуунай бүлэгэй хүтэлбэрилэгшэдэ: Эзэнэй богоол Давидай зохёоһон дуун. Давидые Саулһаа болон бүхы дайсадһаань Эзэнэй абархада, тэрэ энэ дууе Эзэндэ зорюулан дуулаба.] Тэрэ иигэжэ хэлээ:

² – Минии хүсэн болохо Эзэн, би Танда дуратайб!

³ Эзэн хадаа минии хабсагай, минии хорохо газар, абарагша Бурхамни, хамгаалагша хадамни, минии бамбай, абаралай ууламни, бүхэлэлтэмни.

⁴ Магтаал хүндэтэй Эзэниие дуудахадаа, дайсадһаа абарагданаб.

⁵ Үхэлэй аргамжанууд намайе хүлибэ, хосоролтын урасхалнууд намайе айлгаба.

⁶ Үхэлэй ороной утаһад намайе тойруулан бообо, үхэлтэ урьханууд урдамни байна.

⁷ Зоболондоо би Эзэниие дууданаб, өөрын Бурханда хандан хашхарнаб, Тэрэ Өөрын һүмэһөө хоолойем дуулаба, хашхараамни һонортонь хүрэбэ.

⁸ Тэрэнэй уур сухалһаа газар доһолон шэшэрбэ, хадын һууринууд хүдэлбэ.

⁹ Хамарһаань утаан гаража, аманһаань гал дүрэлзэжэ, аһажа байгаа нүүрһэн хажуугаарнь сэсэрэн байгаа бэлэй.

¹⁰ Тэрэ огторгойе хэлтылгээд доошоо бууба, Хүл доронь – шэб харанхы.

¹¹ Херүүбые хүлэглөөд ниидэбэ, һалхинай жэгүүр дээрэ элин халиба.

¹² Харанхые Тэрэ Өөрын нэмэргэ болгобо, огторгойн хара үүлые, уһанай харанхые Өөрыгөө тойруулан хүшэгэ болгобо.

¹³ Тэрэнэй урда тээхи гэгээн һаруулһаа хара үүлэн, мүндэр болон галта нүүрһэн нүүжэ байгаа.

¹⁴ Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

¹⁵ Годлинуудаа харбажа, дайсадые сасан бутаргааба, олоор сахилгаа сахилуулжа, бута сохибо.

¹⁶ Эзэн, Танай дуу хоолойһоо, уур сухалта амисхаалһаа уһанай эхин үзэгдэбэ, газарай һууринууд эли гараба.

¹⁷ Тэрэ дээрэһээ гараа һунгажа, намайе абаба, гүн уһанһаа намайе татажа гаргаба.

¹⁸ Намайе хүсэтэ дайсанһаамни, намһаа хүсэтэй, намайе үзэн ядагша дайсадһаа абараа.

¹⁹ Гай тодхорто үдэртэмни тэдэ нам руу добтолоо, теэд Эзэн минии түшэг тулга байгаал!

²⁰ Тэрэ намайе уужам газарта абаашаа, намда эльгэтэй ушарһаа намайе абараа.

²¹ Зүб шударга байһанайм түлөө, муу юумэ хээгүй байһандам Эзэн намайе урмашуулаа.

²² Юуб гэбэл, Эзэнэй замһаа хадуураагүй, өөрын Бурханһаа буруу харан, мууе хээгүйм түлөө.

²³ Тэрэнэй бүхы тогтоолнууд урдамни, Хуулинуудһаань, юрэдөө, буруу хараагүйб.

²⁴ Урдань би гэмгүй арюун байгааб, гэм зэмэһээ бэеэ холо абан ябааб.

²⁵ Зүб шударга байһанайм түлөө, урдань муу юумэ хээгүй байһандам Эзэн намайе урмашуулаа.

²⁶ Үнэн сэхэ зондоо Та үнэн сэхэт, түгэлдэр түгэс зондо Та түгэлдэрта.

²⁷ Сэхэ сэбэр зондоо Та сэхэ сэбэрээр ханданат, мэхэтэй хүниие мэхынь хэмээр мэхэлнэт.

²⁸ Дарлалтада байгаашадые абарнат, бардам зониие харасаараа мүхөөнэт!

²⁹ Эзэн, Та болбол минии гэрэл; Бурхан минии харанхые гэрэлтүүлнэ.

³⁰ Тантай хамта дайсадые хюданаб, Бурхантаяа хамта хана дабанаб.

³¹ Бурханай замынь залан арюун, үгэнүүдынь арюун сэбэр. Өөртэнь этигэдэг бүхы зондо Тэрэ бамбай болодог.

³² Эзэнһээ бэшэ Бурхан байхагүй. Манай Бурханһаа ондоо Аршалалта байхагүй.

³³ Бурхан намда хүсэ нэмээнэ, Зүб харгыда гаргана.

³⁴ Хүлыем бугын хүлдэл адли болгоо, үндэр газарта зогсохо шанар үршөөгөө.

³⁵ Гарнуудым дайнда дадхаана, гуулин һурша ном хамаагүй татахаб!

³⁶ Та намда абаралай бамбай үгөөт, баруун гараараа намайе дүнгөөт, энэрэлтнай намайе дээшэнь үргэнэ.

³⁷ Алхамыем үргэдхөөт, хүлнүүдни буруу гэшхэхэгүй!

³⁸ Дайсадаа намнан хүсэхэб, усадхатараа бусахагүйб.

³⁹ Тэрэниие бута сохихоб, бэшэ бодохогүй, хүл доромни гэшхэгдэхэ.

⁴⁰ Дайшалхы хүсэ намда үршөөгөөт, урдаһаам тулагшадые ула дором унагаагаат.

⁴¹ Намһаа тэрьедүүлэн, дайсадыем гүйлгөөт, үзэн ядагшадаа усадхааб.

⁴² Тэдэнэй туһа эрин дуудахада, хэншье абараагүй, Эзэниие дуудахадань, Тэрэ дуулаагүй.

⁴³ Шорой тооһон мэтээр тэдэниие һагшааб, гудамжын шорой мэтээр дэбһээб.

⁴⁴ Арад түмэнэй буһалгаанһаа намайе абараат, бусад арадуудые ударидахаар намайе табяат. Урид минии мэдээгүй яһатан намда алба хэнэ.

⁴⁵ Дууламсаараал тэдэ захиралтым дүүргэнэ, хариин зон урдаһаам билдагуушална.

⁴⁶ Хариин улад зон зүрхөө алдажа, хороһон газарһаа шэшэрэлдэн гарана.

⁴⁷ Эзэн амиды! Хабсагаймни магтагдаха болтогой! Абаралайм Бурхан дээгүүр үргэгдэг лэ!

⁴⁸ Минии түлөө үһөөгөө абадаг, арадуудые намда даруулдаг Бурхан,

⁴⁹ Та намайе дайсадһаам абараат, намда эсэргүүсэгшэдһээ дээгүүр намайе табяат, хэрзэгы зонһоо холодуулаат.

⁵⁰ Энээнэйтнай түлөө үндэһэтэдэй хоорондо Таниие магтан дуулан байхаб, Танай нэрэ алдарта магтаалнуудые дуулахаб, Эзэн!

⁵¹ Өөрынгөө хаанда агууехэ илалта туйлуулнат, шэлэгшэ хүн Давидтаа болон үри һадаһадтань хэтэ мүнхэдөө хайра үршөөлөө үзүүлнэт!