Псалманууд 15 - Библи

1 [Давидай шүлэг.]

¹ [Давидай шүлэг.] Бурхан, намайе хамгаалыт! Хорохо газар Танһаал бэдэрнэлби.

² Би Эзэндэ хэлэнэб: «Та бол минии Эзэн, минии һайн һайхан – гансал Танһаа!»

³ Эзэндэ үнэн сэхэ, зүб шударга хэрэг ябуулааша, үнэн сэхые хэлээшэ хүндэл адли байхаа хүсэнэб!

⁴ Ондоо бурханда хандагшадай зоболон олошорог! Шуһата ундан үргэлынь тэдэнтэй хамта үргэхэгүйб, нэрэнүүдыньшье амаараа дурдахагүйб!

⁵ Эзэн болбол уг залгамжалха хубим, ундамни мүн. Та минии хуби заяае баряад байнат.

⁶ Намда тааламжатай һайхан газар хүртөө, уг залгамжалан эзэмшэхэ юумэм үнэхөөр һайхан.

⁷ Намда зүбшэл заабари үгэдэг Эзэниие магтанам, һүниндөөшье досоомни һургаалынь соностоно.

⁸ Би Эзэниие үргэлжэ урдаа харанаб, хажуудам байгаа сагта ганхан унахагүйб.

⁹ Тиимэһээ зүрхэ сэдьхэлни баяраар халяа, Хэлэ амамни дорюун болоо, Махабад бэемни хүсэл найдалаар дүүрээд байна.

¹⁰ Та һүнэһэ һүлдыемни үхэлэй орондо орхихогүйт, Өөрынгөө шударгы Зарасые шалзараажа үмхирүүлхэгүйт.

¹¹ Амидаралай харгы зам намда заажа үгэнэт. Өөрынгөө хажууда байлгажа, Та баяр баясхалангаар намайгаа дүүргэхэт. Баруун гартатнай хэтэ мүнхын баяр жаргал оршодог.