Псалманууд 149 - Библи

1 Эзэниие магтагты!

¹ Эзэниие магтагты! Эзэндэ шэнэ дуу, үнэн сэхэ зонойнь сугларһан газарта Тэрээндэ магтаал үргэгты!

² Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

³ Хатар хатаран нэрыень магтан байгты, хэнгэрэг болон ятагын хүгжэмөөр Тэрэниие магтагты.

⁴ Юуб гэбэл, Эзэн Өөрын арад түмэндэ дуратай, номгон даруу зониие магтана, абарна!

⁵ Үнэн сэхэ зон алдар соло соогоо баясан байг, орон дээрээ баяртай дуулаг лэ.

⁶ Тэдэнэй аманда Бурханда магтаал, гартань хоёр талаһаа эритэй һэлмэ байна.

⁷ Энэнь үндэһэтэдһээ үһөөгөө абахын, арадуудые илахын тула.

⁸ Хаашуулыень гэнжээр гэнжэлжэ, ноёдыень түмэр дүнгэдэ тушахын тула,

⁹ бэшэгдэһэн шүүхын шиидхэбэриие тэдэнэй талаар гүйсэдхэхын тула. Энэ хадаа Тэрээндэ үнэн сэхэ зондо хүндэтхэл мүн. Эзэниие магтагты!