Псалманууд 147 - Библи

¹ Иерусалим, Эзэниие магта! Сион, Бурханаа магтан дуула!

² Юуб гэбэл, Тэрэ бартаануудайтнай шэбхэ бүхэлнэ, таанарай дундахи хүбүүдыетнай юрөөнэ.

³ Тэрэ танай газар дайдада энхэ тайбаниие тогтооно, эгээл һайн шэниисээр таанарые хангана.

⁴ Тэрэ газарта захиралтаа эльгээдэг, үгэнь угаа хурдан хүрэдэг юм.

⁵ Тэрэ нооһон мэтээр саһа дэлгэдэг, үнэһэн мэтээр хюруу тараадаг.

⁶ Тэрэ мүндэрөө тоброог мэтэ сасадаг. Хэн Тэрэнэй жабарые даан зогсожо шадахаб?

⁷ Тэрэнэй үгөө эльгээхэдэнь, бүхы юумэн хайладаг, һалхяа үлеэлгэхэдэнь, уһан урдадаг.

⁸ Тэрэ Яковта үгэеэ, хуули ба тогтоолнуудаа Израильда тунхагладаг.

⁹ Тэрэ ондоо ямаршье үндэһэтэдтэ иимэ юумэ хээгүй, тэдэ тогтоолнуудыеньшье мэдэхэгүй. Эзэниие магтагты!