Псалманууд 144 - Библи

1 [Магтаал дуун. Давидай зохёоһон.]

¹ [Магтаал дуун. Давидай зохёоһон.] א Алээп Хаан болохо Бурхамни, би Таниие үргэмжэлжэ, нэрыетнай хэтэ мүнхэдөө магтан байхаб. ב Бээт

² Үдэр бүри Таниие магтажа, нэрыетнай хэтэ мүнхэдөө магтан дуулахаб. ג Гиимэл

³ Эзэн бол агууехэ, ямаршье магтаалһаа ехэ, агууехэнь хэмжэмээргүй. ד Даалэт

⁴ Нэгэ үе зон нүгөө үедэ үйлэ хэрэгүүдыетнай магтажа, Танай үндэр хэрэгүүдые тунхаглаха. ה Һээ

⁵ Танай сог жабхалан, алдар, агууехэ тухай, гайхамшагта үйлэ хэрэгүүд тушаа би бодомжолноб. ו Ваав

⁶ Зон һүрдэмэ үйлэ хэрэгүүд тушаатнай хэлэхэ, би агуу байдал тухайтнай тунхаглахаб. ז Заайин

⁷ Тэдэ Танай элбэг-дэлбэг һайн һайхан үйлэ хэрэгүүд тушаа һанажа зарлаха, зүб шударгыетнай магтан дуулаха. ח Хээт

⁸ Эзэн хадаа нигүүлэсхы, үршөөлтэй, тэсэбэритэй, энэрэл хайраар элбэг мүн. ט Тээт

⁹ Эзэн хадаа бүгэдэдэ һайн, Өөрын бүтээлнүүдтэ үршөөл хайра элбэгтэй. י Ёд

¹⁰ Эзэн, бүтээл бүхэнтнай Таниие магтан дуулана, үнэн сэхэ зонтнай Таниие үреэнэ. כ Каап

¹¹ Тэдэ хаан түрынтнай алдар солые тунхаглана, Танай һүр хүсэн тушаа хэлэнэ. ל Лаамэд

¹² Танай хүсэтэ үйлэ хэрэгүүд тухай, хан түрынтнай толормо алдар тухай зондо тунхаглана. מ Мээм

¹³ Хан түрэтнай хэтэ мүнхэдөө байха, хааншалалтнай үеһөө үедэ үргэлжэлхэ. ס Саамэх

¹⁴ Эзэн унаһан бүхэниие үндылгэдэг, һэхэрэн унагшадые бодхоодог. ע Аайин

¹⁵ Бүгэдын нюдэд Тан руу шэглэнхэй. Сагай ерэхэдэ хоол хүнэһынь үгэнэт. פ Пээ

¹⁶ Та гараа дэлгэжэ, бүхы амитадай хүсэл ханганат. צ Цадээ

¹⁷ Эзэн бол бүхы замдаа зүб шударга, бүхы үйлэ хэрэгтээ үнэн сэхэ. ק Кооп

¹⁸ Эзэн Өөрыень дуудагша бүхэндэ, Өөрыень үнэнхэ зүрхэнһөө дуудагшадта ойро дүтэ. ר Рээш

¹⁹ Тэрэ Өөрһөөнь түбэгшөөгшэдэй хүсэл бэелүүлдэг, хашхархыень соносожо, тэдэниие абардаг. ש Шиин

²⁰ Эзэн Өөртэнь дуратай бүгэдые сахин хамгаалдаг, харин бүхы хорото муу зониие Тэрэ усадхаха. ת Таав

²¹ Минии аман Эзэндэ магтаал үргэхэ, бүхы амитан хэтэһээ хэтэдэ нангин нэрыень үреэн байха.