Псалманууд 143 - Библи

1 [Давидай зохёоһон.]

¹ [Давидай зохёоһон.] Гарыем дайлалдахада, хургыем тулалдахада һургадаг, минии Хабсагай болохо Эзэн магтаалтай!

² Тэрэ хадаа энэрэл хайрам, тулгуурни, бүхэлэлтэм ба минии абарагшам, минии бамбай ба минии найдал, арад зониием намаар захируулагшамни мүн.

³ Эзэн, хүн гээшэ юун байһандань Та тэрээн тушаа һанаагаа табинабта? Хүнэй хүбүүн гээшэ юун байһандань Та тэрээн тушаа бодонобта?

⁴ Хүн гээшэ нэгэ амисхал мэтэ, үдэрнүүдынь үнгэржэ байгаа һүүдэр мэтэ.

⁵ Эзэн, тэнгэринүүдээ тонгойлгоод доошоо буугыт, хадануудта гар хүрыт, утаан гараг.

⁶ Сахилгаа сахилуулжа, дайсадые тараагыт, годлинуудаа харбажа, тэдэниие тэрьедүүлыт.

⁷ Үндэрһөө гараа һунгажа, намайе гүнзэгы уһанһаа, хариин зоной гарһаа абарыт.

⁸ Тэдэнэй аман худал хэлэдэг, баруун гарынь буруу юумэ хэдэг.

⁹ Бурхан! Би Танда шэнэ дуу дуулахаб, арбан миндаһата ятагаар хүгжэмлэн Таниие магтахаб.

¹⁰ Та хаашуулда абарал хайрланат, Өөрын зараса Давидые хэрзэгы һэлмэһээ абарнат.

¹¹ Аманиинь худал хэлэдэг, баруун гарынь буруу юумэ хэдэг хариин зонһоо намайе абаран сүлөөлыт.

¹² Хүбүүднай ургажа байгаа залуу ургамал мэтэ, басагаднай ордоной шэмэг бахана мэтэ байг лэ.

¹³ Һарабшанууднай элдэб янзын таряа будаагаар дүүрэн, хонин һүрэгүүднай бэлшээри дээрэ мянга, түмэнөөр үрэжэхэнь болтогой!

¹⁴ Манай үхэр һүрэгүүд шанга, үхэлгүй, түл хаялгүй байг лэ! Гудамжануудаарнай хашхараан бү гараг!

¹⁵ Иимэ арад түмэн юрөөлтэйл! Эзэниие өөһэдын Бурхан болгоһон арад түмэн юрөөлтэй!