Псалманууд 141 - Библи

1 [Ирагуу үгэнүүд. Агы нүхэндэ байхадаа Давидай зальбарһань.]

¹ [Ирагуу үгэнүүд. Агы нүхэндэ байхадаа Давидай зальбарһань.] Эзэниие шангаар дууданам, Эзэндэ шангаар зальбарнам.

² Урдань гомдолоо урасхуулнам, зоболонгоо Тэрээндэ хөөрэнэм.

³ Һүлдымни һуларха үедэ Эзэн замым мэдэжэ байгаа. Ябаха харгыдам намайе торгохоор урьха нюусаар намда табигдаһан байгаа.

⁴ Баруун тээшээ эрьежэ харанам – хэншье намайе танинагүй, хорохо газар намда үгы, ами наһамниш хэндэшье хэрэггүй.

⁵ Эзэн, би Таниие дуудан иигэжэ хэлээб: «Та хадаа минии хорохо газар, амидын газарта минии хуби мүн!»

⁶ Хашхаран байгааша хоолойем соносыт! Юуб гэбэл, би ехэ туляаб. Харшалагшадһаамни намайе абарыт, юуб гэбэл, тэдэ намһаа хүсэтэй.

⁷ Шоронһоо намайе хүтэлэн гаргыт, нэрыетнай магтан дуулахалби. Намда эелдэрээр хандахадатнай зүб шударга зон хажуугаарни сугларха.