Псалманууд 140 - Библи

1 [Давидай псалма.]

¹ [Давидай псалма.] Эзэн, би Таниие дууданаб, нам руу түргөөр ерыт! Таниие дуудан байха үедэм минии хоолойдо шэхээ табиит!

² Уталга мэтээр минии зальбарал Тан руу шэглэг, гараа дээшэнь үргэн байхамни үдэшын үргэл мэтэ.

³ Эзэн, амандамни харуул табиит, уралаймни хаалгые сахин байгыт.

⁴ Гэм зэмэ хэгшэдтэй хамта хорото муу хэрэг хэхээр зүрхыем муу муухай юумэндэ бү татуулыт. Тэдэнэй амтанһаа намда бү эдюулыт.

⁵ Зүб шударга хүн намайе сохиг, энэ бол энэрэл гээшэ. Тэрэ намайе зэмэлэг, энэ бол толгойн тоһон мэтэ. Хорото муу зоной хэрэгүүдтэ эсэргүүсэн зальбаржа байхадам,

⁶ хабсагайн, заргашын гар тэдэниие абажа шэдээ! Үгэнүүдым дуулагты! Амтатай юм!

⁷ – Газар хахалжа, хүрьһэ борнойдохо мэтээр яһамнай Үхэлэй ороной аманда жажалагдана.

⁸ – Эзэн Бурхан, Тан руу нюдэмнай шэглэнэ, Тандал найданабди, ами наһым аршалыт!

⁹ Намда табигша тэдэнэй урьхаһаа, гэмтэ зоной зангаһаа намайе хамгаалыт!

¹⁰ Хорото муу зон өөһэдынгөө табиһан урьхада орохо, харин би аюулгүй хажуугаарнь үнгэрхэб.