Псалманууд 139 - Библи

¹ [Дуунай бүлэгэй хүтэлбэрилэгшэдэ. Давидай псалма.]

² Эзэн, намайе муу зонһоо абарыт, хүсэрхэгшэдһээ аршалыт.

³ Тэдэ зүрхэ сэдьхэлдээ муу муухай юумэ һанаашалдаг, хододоо дайн дажар үдөөдэг.

⁴ Тэдэ могойн хадхуур мэтээр хэлээ бүлюудэдэг, хэлэндэнь могойн хадхуурта адли хорон байдаг. [Хүгжэм]

⁵ Эзэн, намайе муу муухай зонһоо хамгаалыт, хүлыем түлхин унагаахаяа һанагша хүсэрхэгшэдһээ намайе аршалыт.

⁶ Бардам зон намда урьха уяа зохёогоо, харгы замда занга табяа, намайе барихаар гүльмэ татаа. [Хүгжэм]

⁷ Би Эзэндэ иигэжэ хэлээб: «Та бол минии Бурхан. Эзэн, минии гуйлтые шагныт!

⁸ Минии абаралай хүсэ шадал болохо Эзэн Бурхан, байлдаанай үдэр минии толгойе Та аршалан байнат.

⁹ Эзэн, хорото муу хүнэй хүсэл бү бэелүүлыт, түсэбүүдыень бү хүсэлдүүлыт!» [Хүгжэм]

¹⁰ Намайе тойроод байгаашадай өөһэдынь толгойдо аманайнь хорон хүрэг!

¹¹ Аһажа байгаа нүүрһэн өөһэд дээрэнь унаг! Тэдэ гал руу, гаража шадахагүй нүхэн руу хаягдаг, бэшэ бү бодог!

¹² Гүжэр үгэ тараагша хүн газар дээрэ батаар зогсожо шадахагүй, хүсэрхэгшэ хүниие муу муухай дахажа һалгааха.

¹³ Эзэн хадаа зобоһон зоной хэрэг шиидэдэг, ядуу зоной түлөө үнэн шударгые үйлэдэдэг гэжэ би мэдэнэм.

¹⁴ Зүб шударга зон Тэрэнэй нэрэ алдаршуулха, үнэн сэхэ зон Тэрэнэй урда амидархал.