Псалманууд 135 - Библи

¹ Эзэндэ магтаал үргэгты! Юуб гэбэл, Тэрэ һайн. Юуб гэбэл, Тэрэнэй энэрэл хайра хэтэ мүнхын.

² Бурхадай Бурханда магтаал үргэгты. Юуб гэбэл, энэрэл хайрань хэтэ мүнхын.

³ Эзэдэй Эзэндэ магтаал үргэгты. Юуб гэбэл, энэрэл хайрань хэтэ мүнхын.

⁴ Агууехэ хэрэгүүдые гансаараа хэдэг Тэрээндэ. Юуб гэбэл, энэрэл хайрань хэтэ мүнхын.

⁵ Мэргэн сэсэн ухаагаараа тэнгэри бүтээгшэ Тэрээндэ. Юуб гэбэл, энэрэл хайрань хэтэ мүнхын.

⁶ Газар уһан дээгүүр дэлгэһэн Тэрээндэ. Юуб гэбэл, энэрэл хайрань хэтэ мүнхын.

⁷ Агууехэ дэнгүүдые бүтээгшэ Тэрээндэ. Юуб гэбэл, энэрэл хайрань хэтэ мүнхын.

⁸ Нараар үдэрые зонхилуулагша Тэрээндэ. Юуб гэбэл, энэрэл хайрань хэтэ мүнхын.

⁹ Һара, мүшэдээр һүниие зонхилуулагша Тэрээндэ. Юуб гэбэл, энэрэл хайрань хэтэ мүнхын.

¹⁰ Египедэй ууган хүүгэдые усадхаһан Тэрээндэ. Юуб гэбэл, энэрэл хайрань хэтэ мүнхын.

¹¹ Тэндэһээ Израилиин арад түмэниие гаргагша Тэрээндэ. Юуб гэбэл, энэрэл хайрань хэтэ мүнхын.

¹² Хүсэтэй гараараа, һунгагша шандааһаараа. Юуб гэбэл, энэрэл хайрань хэтэ мүнхын.

¹³ Хулһата далайе хубаагша Тэрээндэ. Юуб гэбэл, энэрэл хайрань хэтэ мүнхын.

¹⁴ Дундуурнь Израилиин арад зониие Тэрэ гаргаа. Юуб гэбэл, энэрэл хайрань хэтэ мүнхын.

¹⁵ Фараониие сэрэгтэйнь хамта Хулһата далайда шэнгээгээ. Юуб гэбэл, энэрэл хайрань хэтэ мүнхын.

¹⁶ Өөрын арад түмэниие сүл губяар хүтэлэн гаргагша Тэрээндэ. Юуб гэбэл, энэрэл хайрань хэтэ мүнхын.

¹⁷ Агууехэ хаашуулые хюдагша Тэрээндэ. Юуб гэбэл, энэрэл хайрань хэтэ мүнхын.

¹⁸ Шанга хаашуулые Тэрэ усадхаа. Юуб гэбэл, энэрэл хайрань хэтэ мүнхын.

¹⁹ Эмоор арадай Сиһоон хааниие усадхагша Тэрээндэ. Юуб гэбэл, энэрэл хайрань хэтэ мүнхын.

²⁰ Башаанай Оог хааниие усадхагша Тэрээндэ. Юуб гэбэл, энэрэл хайрань хэтэ мүнхын.

²¹ Газарыень Тэрэ эзэлүүлээ. Юуб гэбэл, энэрэл хайрань хэтэ мүнхын.

²² Өөрын зараса Израильда уг залгамжалуулан. Юуб гэбэл, энэрэл хайрань хэтэ мүнхын.

²³ Доромжолуулаад байхадамнай маанад тухай Тэрэ һанаа. Юуб гэбэл, энэрэл хайрань хэтэ мүнхын.

²⁴ Дайсадһаамнай бидэниие зайлуулаа. Юуб гэбэл, энэрэл хайрань хэтэ мүнхын.

²⁵ Ямаршье амитанда хоол үгэдэг. Юуб гэбэл, энэрэл хайрань хэтэ мүнхын.

²⁶ Тэнгэриин Бурханда магтаал үргэгты! Юуб гэбэл, энэрэл хайрань хэтэ мүнхын.