Псалманууд 134 - Библи

1 Эзэниие магтагты!

¹ Эзэниие магтагты! Эзэнэй нэрэ магтагты! Эзэнэй зарасанар, магтагты!

² Эзэнэй үргөө соо, маанадай Бурханай үргөөгэй хашаа дотор зогсогшод,

³ Эзэниие магтагты. Юуб гэбэл, Эзэн һайн. Нэрыень магтан дуулахада хэды һайхан бэ!

⁴ Юуб гэхэдэ, Эзэн Өөртөө гэжэ Яковые, Өөрын үмсэ болгон Израилиие шэлээ бэлэйл.

⁵ Эзэн хадаа агууехэ ба бидэнэй Эзэн болбол бүхы бурхадһаа дээгүүр гээшые мэдэнэм.

⁶ Эзэн һанаһан бүхы хэрэгээ тэнгэридэ болон газар дээрэ үйлэдөөд, далайнуудаар болон гүн уһанда хэдэг юм.

⁷ Тэрэ дэлхэйн захаһаа уур манан дээшэнь хөөрүүлдэг, бороогой үедэ сахилгаа бүтээжэ, хадагалагша газарһаа һалхи гаргадаг.

⁸ Тэрэ Египедтэ бүхы уугануудые – хүнэй хүүгэдые, амитанай түлые хюдаа.

⁹ Египет, Тэрэ шинии дунда дүлгэ тэмдэгүүдые ба гайхалтай хэрэгүүдые фараон ба түшэмэлнүүд дээрэнь хээ бэлэйл.

¹⁰ Тэрэ олон үндэһэ яһатаниие бута сохижо, хүсэ шадалтай хаашуулые алаа:

¹¹ Эмоор арадай Сиһоон хааниие, Башаанай Оог хааниие, Ханаһаанай бүхы хаан түрэ бута сохиһон юм.

¹² Газар уһыень үмсын болгон Өөрын арад Израильда үгөө бэлэй.

¹³ Эзэн! Нэрэтнай хэтэ мүнхэдөө оршохо! Эзэн! Тан тухай дурасхал үеһөө үедэ дамжана.

¹⁴ Эзэн арад түмэнөө шүүхэ, Өөрын зарасанарые хайрлаха.

¹⁵ Бусад арадуудай онгонууд хадаа мүнгэн ба алтан, хүнэй гарай бүтээлнүүд юм.

¹⁶ Аматай аад, дуугардаггүй, нюдэтэй аад, харадаггүй.

¹⁷ Шэхэтэй аад, дууладаггүй, амандань ямаршье амисхал байхагүй.

¹⁸ Тэдэниие бүтээгшэд, тэдээндэ этигэгшэд бултадаа тэдээн шэнги болог лэ!

¹⁹ Израилиин түрэл түтим, Эзэниие магтагты! Аһарооной түрэл гарал, Эзэниие магтагты!

²⁰ Левиин түрэл гарал, Эзэниие магтагты! Эзэнһээ түбэгшөөдэг зон, Эзэниие магтагты!

²¹ Иерусалимда оршон һуудаг Эзэн Сионһоо магтагдаха болтогой! Эзэниие магтагты!